चलचित्र ‘तिम्रो मेरो साथ’को शुभमुहूर्तसँगै छायांकन प्रारम्भ भएको छ ।

चलचित्रलाई रमेश एमके पौडेलले निर्देशन गर्नेछन् । निर्माण तथा लेखनमा पनि उनकै हात रहनेछ ।

चलचित्रमा अभिनेता पुष्प खड्का, साम्राज्ञी राज्यलक्ष्मी शाह लगायतका कलाकारको भूमिका रहनेछ ।

चलचित्र लभ स्टोरी जनरामा निर्माण हुनेछ । काठमाडौं र नेपालका केही रमणीय स्थलसँगै अमेरिकामा समेत छायांकन हुने बुझिएको छ । चलचित्रको छायांकन ३ महिनाभित्र सक्ने निर्माण टीमको योजना छ ।

चलचित्रमा संगीतकार, संगीत संयोजनका साथै गायकका रूपमा योगेश काजीले काम गर्ने भएका छन् । उनीसँगै मेलिना राई, सुगम पोखरेल, सारिका घिमिरे लगायतको पनि चलचित्रका गीतमा आवाज सुन्न सकिने जनाइएको छ ।