वैशाखको चुनावमा सबै सहभागी हुनुपर्छ र सबैले स्वीकार्नुपर्छ : मुख्यमन्त्री पोखरेल

लुम्बिनी प्रदेशका मुख्यमन्त्री शंकर पोखरेलले बर्दियाको शिवगंगा आँखा उपचार केन्द्रको शल्यक्रिया कक्ष सहितको नवनिर्मित भवनको मंगलवार उद्घाटन गरेका छन् ।
    
१ करोड ४० लाख रुपैयाँको लागतमा निर्मित भवनमा ३० कोठा छन् । भवन निर्माणका लागि प्रदेश सरकारले पनि ८५ लाख रुपैयाँ सहयोग गरेको बताइएको छ । 

सो अवसरमा मुख्यमन्त्री पोखरेलले विकास र समृद्धिको जनचाहनालाई पूरा गर्ने सरकारको योजना रहेको उल्लेख गर्दै मुलुकमा देखिएको राजनीतिक समस्याको निकासका लागि आगामी वैशाखमा हुने चुनाव सबै सहभागी हुनुपर्छ र यसलाई सबैले स्वीकार्नुपर्ने बताए ।


Advertisement

केन्द्रका सभापति कृष्णप्रसाद गौतमको सभापतित्वमा सम्पन्न कार्यक्रममा निर्वतमान सांसद सुजता शाक्य, लुम्बिनी प्रदेशका उपसभामुख कृष्णी थारू, जिल्ला समन्वय समितिका अध्यक्ष शंकरप्रसाद थारू, प्रमुख जिल्ला अधिकारी लीलाधर अधिकारी लगायतको सहभागिता थियो ।


Advertisement

कमेन्ट गर्नुहोस्