समुद्री गाईको ढाडमा लेखियो ट्रम्प (भिडियो)

अमेरिकाको फ्लोरिडामा रहेको एक नदीमा म्यानेटी अर्थात् समुद्री गाईको ढाडमा राष्ट्रपति डोनल्ड ट्रम्पको थर लेखिएको पाइएपछि मानिसहरू आक्रोशित भएका छन् । राज्य र संघीय वन्यजन्तु अधिकारीहरूले घटनाको अनुसन्धान थालेका छन् । 

संकटापन्न प्रजातिको उक्त जीवको शरीरमा जमेको काईमा ठूला अक्षरमा ट्रम्प लेखिएको थियो तर छाला नदर्फरिएको अधिकारीहरूले बताए । 

---

Advertisement

---

तर संरक्षित जीव भएकाले म्यानेटीलाई यसरी सताउँदा ५० हजार डलर बराबरको जरिवाना र एक वर्षसम्मको कारावास सजायको व्यवस्था छ । 
 

सिट्रस काउन्टीमा रहेको होमोसास्सा नदीमा आइतवार म्यानेटीको ढाडमा ट्रम्प लेखिएको पाइएको हो । 
 

---

Advertisement

---

म्यानेटीहरू सौम्य र सुस्त गतिमा हिँड्ने प्राणी हुन् । उनीहरू न्यानो पानीमा फल्ने झारपात खाएर बाँच्छन् । 

सन् २०२० मा ६२० वटा म्यानेटी मरेका थिए । तीमध्ये ९० वटाको मृत्यु डुंगामा ठोकिएर भएको थियो । 

Manatee found with 'Trump' etched on its back pic.twitter.com/T8J27XlfDl

— The Independent (@Independent) January 12, 2021