जगदम्बा मोटर्सले चर्चित मलेशियाली अटोमोबाइल ब्राण्ड प्रोटोनको "प्रोटोन साँगा" गाडी सार्वजनिक गरेको छ ।

बुधवार कम्पनीले  आधिकारिक फेसबुक र युट्युब पेजमार्फत गाडी सार्वजनिक गरेको हो ।

कार्यक्रममा शंकर ग्रुपका अध्यक्ष शाहिल अग्रवालले नयाँ तथा लेटेस्ट  मोडलको यो गाडी ४ चक्के अटोमोबाइलमा लोकप्रिय हुने दावी गरे ।

उनले भने, नयाँ तथा लेटेस्ट मलेसियन प्रविधिमार्फत उत्पादित, सर्वोत्कृष्ट फिचर्स र मज्जाको ड्राइभिङ्ग कम्फर्टको सुविधा भएको प्रोटोन साँगाले अवस्य पनि नेपाली ४ चक्के अटोमोबाइल प्रेमीको बढ्दो चाहनाको पूर्ति गर्न सफल रहनेछ भन्नेमा हामी हार्दिक आशावादी छौँ"।

मलेसियन प्रविधिमार्फत उत्पादित, सर्वोत्कृष्ट फिचर्स र मज्जाको ड्राइभिङ्ग कम्फर्टको सुविधा भएको प्रोटोन साँगा नेपाली बजारमा लोकप्रिय हुने उनको विश्वास छ ।

प्रोटोन साँगा, प्रोटोनको इतिहासकै प्रथम गाडी हो, जुन १९८५मा प्रथम पटक सावर्जनिक गरिएको थियो।

विस्तारै समय संगै यसका नयाँ मोडलहरु निस्कँदै गए र साँगाको नेपाली बजारमा प्रवेश गरेको एडिसन पछिल्लो मोडलको रहेको छ।

यस गाडीमा १.३ लिटरको भिभिटि इन्जिन समाहित गरिएको छ, जसले अधिकतम क्षमताका साथ आनन्दको राइडको मज्जा दिलाउँदछ ।

यसमा एलिगेन्ट रिअर स्पोइलर, नयाँ १५ इन्चको एलोए व्हिल डिजाइन, रिमोट ट्रंक रिलिज, इन्फिनिट् वेभ फ्रन्ट ग्रिल, एलइडि डे टाइम रनिंग लेम्प, र स्टाइलिश रिअर बम्पर जस्ता आकर्षक एक्स्टिरियर फिचर्स रहेका छन् ।

यसैगरी यसमा स्टाइलिस सेन्टर पेनल, स्मार्ट्फोन कन्नेक्टिभिटि, थ्री युएसबी पोर्टस, मिटर कम्बिनेसन विथ मल्टि इन्फर्मेसन डिस्प्ले, बेन्च टाइप रियर फोल्ड, र स्ट्यरिङ्ग टिल्ट एड्जस्ट्मेन्ट जस्ता सुविधा सम्पन्न इन्टेरियर रहेका छन् जसले ड्राइभर  र पेसेन्जर दुवैलाई एक आरामदायी र सुबिधा सम्पन्न यात्रा गराउने कम्पनीको दावी छ ।

 यो गाडी सुरक्षाको दृष्टिकोणले पनि भरपर्दो रहेको छ । हिल होल्ड एसिस्ट, रियर पार्किङ्ग सेन्सर, रिभर्स क्यामेरा, एबिएस विथ इबिडि, ब्रेक एसिस्ट, र एलेक्ट्रोनिक स्टेबिलिटि कन्ट्रोल जस्ता सुराक्षाका अत्याधुनिक सुविधा छन् ।