×

NMB BANK
NIC ASIA

ज्ञवालीलाई मोदीले दिएनन् समय

माघ ४, २०७७

NTC
Sarbottam
Premier Steels
Marvel

भारतीय प्रधानमन्त्री नरेन्द्र मोदीले समय नदिएपछि परराष्ट्रमन्त्री प्रदीपकुमार ज्ञवाली उनीसँग भेट नगरी स्वदेश फर्केका छन् । पालैपालो दुई देशमा हुँदै आएको नेपाल–भारत परराष्ट्रमन्त्रीस्तरीय संयुक्त आयोगको बैठकका बेला पाहुना देशका परराष्ट्रमन्त्रीले सरकार प्रमुखसँग भेट्ने परम्परा रहँदै आएको थियो ।

Sagarmatha Cement
Muktinath Bank

आयोगको पाँचौं बैठक गत वर्ष भदौमा काठमाडौंमा भएका बेला भारतीय विदेशमन्त्री एस जयशंकरले राष्ट्रपति विद्यादेवी भण्डारी र प्रधानमन्त्री केपी शर्मा ओलीलाई भेट गरेका थिए । तर नेपाली पक्षले विशेष प्रयास गर्दा पनि ज्ञवालीले प्रधानमन्त्री मोदीसँग भेट्न पाएनन् । ज्ञवाली शनिबार स्वदेश फर्कने अन्तिम घडीसम्मै भेटको समय मिलाउन नेपाली पक्ष प्रयासरत थियो । दिल्लीस्थित नेपाली दूतावासले मोदीसँगको भेटका लागि ज्ञवाली भारत आउनुअघिदेखि नै प्रयास गरेको थियो । मोदीसँग भेट हुन नसकेको विषयमा भारतका लागि नेपाली राजदूत नीलाम्बर आचार्यले टिप्पणी गर्न चाहेनन् ।


Advertisment
RMC TANSEN
IME BANK INNEWS
shivam ISLAND

परराष्ट्रमन्त्री ज्ञवाली नेपाल–भारत मन्त्रीस्तरीय संयुक्त आयोगको छैटौं बैठकमा सहभागी हुन बिहीबार दिल्ली आएका हुन् । प्रधानमन्त्री मोदीले भेटका लागि समय नदिनुलाई नेपालको पछिल्लो राजनीतिक परिस्थितिसँग पनि जोडेर हेरिएको छ । प्रधानमन्त्री केपी शर्मा ओलीको प्रतिनिधिसभा विघटन गर्ने निर्णयपछि विकसित घटनाक्रमलाई कुन रूपमा हेर्ने भन्ने विषयमा दिल्ली केही समय ‘पर्ख र हेर’ को रणनीतिमा रहेको संकेतका रूपमा समेत यसलाई विश्लेषण गरिँदै छ ।


Advertisment
Nabil box
Kumari

प्रधानमन्त्री ओलीको प्रतिनिधिसभा विघटन र निर्वाचन घोषणाको निर्णयपछि गहिरिएको राजनीतिक पृष्ठभूमिमा भएको ज्ञवालीको भारत भ्रमणलाई विशेष चासोका साथ हेरिएको थियो । दिल्लीमा रहँदा ज्ञवालीले भारतीय नेतृत्व पंक्तिसँग भेटेर पछिल्लो अवस्थाबारे जानकारी गराउने र प्रतिनिधिसभा विघटनसम्बन्धी निर्णयको औचित्य पुष्टि गर्ने अपेक्षा गरिएको थियो । तर दिल्लीमा ज्ञवालीसँग भएको भेटमा भारतीय पक्षले नेपालको आन्तरिक राजनीतिबारे खासै चासो नराखेको स्रोतको दाबी छ ।

Vianet communication
Laxmi Bank

मन्त्री ज्ञवालीले शनिबारका कार्यक्रममा पनि प्रतिनिधिसभा विघटनको निर्णयको बचाउ गर्ने प्रयास गरे । उनले शनिबार बिहान भारतीय पत्रकारहरूसँगको भेटमा प्रतिनिधिसभा विघटनको निर्णयलाई सरकारले ‘लामो समयदेखि सामना गरेको समस्याको परिणामका रूपमा’ अर्थ्याए । ‘संसदीय व्यवस्थामा बहुमतको प्रधानमन्त्रीले ताजा जनादेशमा जानुपर्छ भन्ने ठानेका बेला चुनावको घोषणा गर्ने विश्वव्यापी स्थापित अभ्यास हो,’ उनले भने । उनले लोकतन्त्रमा जनतालाई मुलुकको भविष्यबारे निर्णय गर्ने अधिकार भएको समेत जिकिर गरे । प्रधानमन्त्री ओलीले सरकारको समृद्ध नेपाल सुखी नेपालीको लक्ष्य पूरा गर्न सहज नहुने ठानेपछि प्रतिनिधिसभा विघटन गर्दै ताजा जनादेशमा जाने निर्णय गरिएको तर्क पनि उनले गरे । दिल्लीमै शनिबार भएको अर्को कार्यक्रममा पनि ज्ञवालीले सरकारले विगत तीन वर्षमा हासिल गरेका उपलब्धिको फेहरिस्त प्रस्तुत गर्दै प्रतिनिधिसभा विघटनको बचाउ गरेका थिए । ‘जनतालाई सार्वभौम बनाउन ताजा जनादेशमा जाने निर्णय लिइएको हो । यो चुनाव जनताको चाहना व्यक्त गर्ने र लोकतान्त्रिक जगलाई थप बलियो बनाउन महत्त्वपूर्ण अवसर बन्ने छ,’ उनको भनाइ थियो ।

मन्त्री ज्ञवालीले शनिबार बिहान भारतीय रक्षामन्त्री राजनाथ सिंहसँग भेटवार्ता गरेका थिए । लगत्तै रक्षामन्त्री सिंहले ट्वीटमा मन्त्री ज्ञवालीसँग ‘उल्लेखनीय भेटवार्ता भएको’ उल्लेख गरेका थिए । ‘भारतको नेपालसँगको सम्बन्ध सरकारमा मात्रै सीमित नभएर नागरिकस्तरको सम्बन्धबाट अघि बढेको छ । भारत–नेपाल सम्बन्धले असीमित सम्भावना बोकेको छ,’ उनले ट्वीट गरेका छन् । करिब ४५ मिनेट लामो भेटवार्तामा द्विपक्षीय सम्बन्धबारे सौहार्द छलफल भएको राजदूत नीलाम्बर आचार्यले बताए । उनका अनुसार ज्ञवाली र सिंहबीच दुई देशबीचका भावनात्मक, सांस्कृतिक, परम्परागत निकटताबारे छलफल भएको थियो । नेपाल मामिलाका जानकार मानिने सिंहसँगको भेटमा पनि नेपालको आन्तरिक राजनीतिक विषयमा कुनै छलफल नभएको राजदूत आचार्यले बताए ।

गत वैशाख २६ मा रक्षामन्त्री सिंहले नै नेपाली भूमिमा गएर बनाइएको कालापानी, लिपुलेक हुँदै मानसरोवर जोड्ने सडकमार्ग उद्घाटन गरेका थिए । त्यसपछि दुई देशबीचको सम्बन्ध तिक्ततापूर्ण बनेको थियो । नेपालले उक्त सडक उद्घाटनका विषयमा भारतलाई तत्कालै विरोध पत्र पठाएको थियो ।

'विदेशी भूमिमा प्रचण्डको पनि परराष्ट्रमन्त्री हुँ’
मन्त्री ज्ञवालीले विदेशी भूमिमा आफू नेकपाका अध्यक्ष पुष्पकमल दाहाल (प्रचण्ड) को समेत परराष्ट्रमन्त्री भएको जिकिर गरेका छन् । ओली सरकारको प्रतिनिधिसभा विघटन गर्ने निर्णयमा भारतको पनि हात रहेको भन्ने दाहालको आरोपबारे भारतीय पत्रकारले राखेको जिज्ञासामा उनले त्यस्तो धारणा राखेका हुन् ।

‘विदेशी भूमिमा मन्त्रीका रूपमा म प्रचण्डजी र नेकपाबाट अलग भएको समूहको पनि नेतृत्व गर्छु, त्यो आरोपका विषयमा टिप्पणी गर्न चाहन्न,’ उनले भने । मन्त्री ज्ञवालीले आफू पूरै मुलुकको प्रतिनिधित्व गर्दै भारत आएको समेत जनाए । उनले प्रतिनिधिसभा विघटनको निर्णय आन्तरिक भएको र यसमा कुनै विदेशी शक्तिको हात नरहेको बताए । कान्तिपुर दैनिकमा सुरेशराज न्यौपानेले खबर लेखेका छन् ।

hAMROPATRO BELOW NEWS
TATA Below
मंसिर ४, २०८०

नेपाल कम्युनिस्ट पार्टी (माओवादी केन्द्र) सँग  एकता  गर्न  नेपाल  समाजवादी  पार्टीका  अध्यक्ष डा. बाबुराम भट्टराईलाई पार्टीभित्रबाट नेताहरूले दबाब दिन थालेका छन् । पार्टीका अर्का अध्य...

फागुन ४, २०८०

ललिता निवास प्रकरणमा विशेष अदालतले बिहीबार फैसला गरेको छ । फैसला अनुसार ललिता निवासको हडपिएको जग्गा सरकारको नाममा आउने भएको छ।  अदालतले त्यसमा दोषीहरुलाई कैद र जरिवानको फैसला पनि गरेको छ ।  ...

मंसिर २५, २०८०

अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...

माघ २५, २०८०

त्रिभुवन अन्तर्राष्ट्रिय विमानस्थलका प्रहरी प्रमुख प्रहरी नायब महानिरीक्षक (डिआइजी) अर्जुन चन्दले राजीनामा दिएको चर्चा झन्डै एक साता चल्यो तर प्रहरी प्रधान कार्यालयले चन्दको राजीनामा नभई सोमबार १० दिनको बिदा स्वीकृत ग...

कात्तिक २३, २०७८

विशेष  आर्थिक  क्षेत्र  (सेज)भित्र मदिरा,  सुर्तीजन्य  र  विस्फोटक  पदार्थ  उत्पादन  गर्ने  उद्योग स्थापना  गर्न  नपाइने  भएको  छ।  विश...

कात्तिक २४, २०८०

सवारीसाधन  सुविधा  प्राप्त  गर्ने  कर्मचारीलाई  इन्धनबापत नगद उपलब्ध गराउन सरकारले निर्देशिका जारी गरेको छ । सुशासन (व्यवस्थापन तथा सञ्चालन) ऐन, २०६४ को दफा ४५ ले दिएको अधिकार प्रयोग ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x