बंगलादेशी मूलकी अन्तर्राष्ट्रिय लेखिका तस्लीमा नसरीनले राम मन्दिर निर्माणका विषयमा दिएको बयान चर्चित बनेको छ । 

उनले ट्विटरमा लेखिन्, ‘अयोध्यामा राम मन्दिर बनाउन कैयौं मुसलमानले विश्व हिन्दू परिषद्को अभियानमा दान दिइरहेका छन् । मुसलमानहरू मन्दिरका लागि धन जुटाउन अग्रसर हुनुपर्छ । मुसलमानले दान दिँदा हिन्दू–मुस्लिम सद्भाव बलियो बन्छ ।’
 

तस्लीमाको बयानको कसैले प्रशंसा गरेका छन् भने कसैले मुसलमानहरूसँग पैसा उठाउनु गलत भएको बताएका छन् । 

यसअघि तस्लीमाले भारतका अधिकांश हिन्दूहरू राम मन्दिर निर्माण होस् भन्ने चाहन्छन्, त्यसैले मन्दिर बन्नुपर्छ भनेकी थिइन् । मुसलमान जस्तै हिन्दूहरूलाई पनि धार्मिक र कट्टरपन्थी हुने अधिकार छ । हिन्दू हुनेबित्तिकै धर्मनिरपेक्ष हुनुपर्छ भन्ने छैन ।