भारतको प्रमुख विपक्षी दल कांग्रेसका नेता राहुल गान्धीले आफू प्रधानमन्त्री नरेन्द्र मोदीसँग नडराउने बताएका छन् । 

आफू सफा व्यक्ति भएको र आफूसँग कोही नभएपनि एक्लै लडिरहने बताए । 

दिल्लीमा पार्टीको केन्द्रीय कार्यालयमा पत्रकार सम्मेलनमा बोल्ने क्रममा उनले यी कुरा बताएका हुन् । त्यसअघि उनले तीन नयाँ कृषि कानूनका बारेमा लेखिएको पुस्तिका खेती का खून सार्वजनिक गरेका थिए ।

राहुलले भने, ‘मेरो सच्चरित्र छ । म मोदी वा अन्य कोहीसँग डराउदिनँ । म सफा छु, उनीहरूले छुन सक्दैनन् । म देशभक्त हुँ र देशको सुरक्षा गर्छु । अरू सबैजना अर्को पक्षमा उभिएपनि म एक्लै आफ्नो पक्षमा उभिरहन्छु । मेरो धर्म नै लडिरहने हो ।’
 

तीनचारजना मानिसले पूरै सिस्टम कब्जामा लिने र कृषकहरूले उचित मूल्य नपाउने अनि मध्यमवर्गलाई मूल्यले चोट पार्ने राहुलले बताए । 

पञ्जाब र हरियाणाका किसानहरूले देशका ६५ करोड किसानको पक्षमा लडेको उनको भनाइ छ ।