कोरोना भाइरसको महामारीले विश्व फुटबललाई अस्तव्यस्त बनाइरहेको बेलामा अखिल नेपाल फुटबल संघ (एन्फा) ले विश्वकप २०२२/एसियन कप २०२३ छनोटमा घरेलु मैदानका तीनै खेल दर्शकसहित सञ्चालन गर्ने भएको छ ।

 उक्त छनोटका तीन खेलको टिकट बिक्रीबाट १ करोड १० लाख रुपैयाँ आम्दानी गर्ने एन्फाले आर्थिक वर्ष २०७७–७८ को बजेटमा उल्लेख गरेको छ ।

एन्फाले आर्थिक वर्ष २०७७–७८ को ८५ करोड ६६ लाख ४२ हजार २ सय ४० रुपैयाँको बजेटमा २ करोड ७० लाख खेलको टिकट बिक्रीबाट आम्दानी गर्ने लक्ष्य राखेको छ । फिफा र एएफसीको अनुदानमा आधारित उक्त बजेटलाई मंगलबार सम्पन्न एन्फाको १९ औं साधारणसभाले पारित गरेको खबर कान्तिपुरमा छ ।