प्रतिनिधिसभा विघटनविरुद्ध परेको रिटमाथिको सुनुवाइका क्रममा सर्वाेच्च अदालतका न्यायाधीश अनिल सिन्हाले बहस लम्बिँदै गए चुनावमा भेट हाल्नु दिन आउनसक्ने बताएका छन् ।

संवैधानिक इजलासमा बहस लम्बिएपछि समय छोट्याउन अधिवक्ताहरूलाई निर्देशन दिइएको छ ।

बुधवारको सुनुवाइमा शुरूमा बहस गरेका अधिवक्ता डा. चन्द्रकान्त ज्ञवालीलाई न्यायाधीश अनिल सिन्हाले आधा घण्टामा बहस सिध्याउन आग्रह गरेका छन् । 

प्रधानन्यायाधीश चोलेन्द्र शमशेर जबरा नेतृत्वको इजलासमा आइतवारदेखि निरन्तर सुनुवाइ भइरहेको छ । यसअघि ३ दिनसम्म अधिवक्ताले पर्याप्त समय लिएका थिए ।

‘समयको पावन्दीलाई ख्याल गरेनौं भने हामी यता बहस गरिराख्ने, उता भोट हाल्ने दिन आउने हो कि ?’ न्यायाधीश सिन्हाले भने । 

मंगलवार पनि अन्तिममा बहस गरेका ज्ञवालीले १ घण्टाको समय माग गरेका थिए । बहसका क्रममा ज्ञवालीले संविधानले प्रतिनिधिसभा विघटन गर्न प्रधानमन्त्रीलाई अधिकार नदिएको दावी गरेका छन् ।