×

NMB BANK
NIC ASIA

पोखराको पहिलो आकाशे पुल निर्माण कार्य अलपत्र, कोरोनादेखि बिजुली लाइनसम्मको बहाना

माघ ७, २०७७

NTC
Sarbottam
Premier Steels
Marvel

पर्यटकीय नगरी पोखरामा दिनप्रतिदिन ट्राफिक व्यवस्थापन पेचिलो बन्दै जाँदा यहाँका व्यस्त चोकहरूमा आकाशे पुलको आवश्यकता बढेको छ ।

Sagarmatha Cement
Muktinath Bank

सोही आवश्यकता महशुस गर्दै पोखरा महानगरपालिकाले पहिलोपल्ट वडा नम्बर ८, सिर्जनाचोकमा पेडेस्टल ओभर हेड ब्रिज (आकाशे पुल) निर्माण योजना अघि बढाएको हो ।


Advertisment
RMC TANSEN
IME BANK INNEWS
shivam ISLAND

तर निर्माण सम्पन्न गर्नुपर्ने समय गुज्रिसक्दा थप १ वर्ष समय पनि घर्किँदै गएको छ ।


Advertisment
Nabil box
Kumari

२ करोड ३२ लाख रुपैयाँ लागतमा निर्माण गरिने भनिएको सो पुल कोभिड– १९ र बिजुलीको हाइटेन्सन लाइन हटाउन तत्काल पहल नभएको कारण देखाउँदै टार्ने काम भएको छ । 

Vianet communication
Laxmi Bank

सिर्जनाचोक पोखरामा महेन्द्रपुल, सभागृहचोक, पृथ्वीचोक, बिरौटा, बिपीचोक जस्तै व्यस्त चोकमा पर्दछ । महानगरले बिस्तारै अन्य चोकमा पनि आकाशे पुल निर्माण गर्ने योजना मुताबिक २ वर्षअघि सिर्जनाचोकलाई छानेर केएम/जयविष्णु निर्माण सेवालाई ठेक्का दिएको थियो ।

करीब १४ महिना अवधि राखेर २०७७ साउन २७ सम्म निर्माण पूरा गर्ने गरी ठेक्का दिइएकोमा निर्माण कम्पनीले कोरोना महामारी तथा बिजुलीको हाइटेन्सन लाइन हटाउन सरोकारवाला पक्षले चासो नदिएको कारण देखाउँदै समयमै पुल निर्माण गर्न नसकेको दाबी गरेको छ ।

पुलका लागि खाल्डो मात्र खनिएको अलपत्र अवस्थामा पुनः १ वर्ष समयावधि थपिएको थियो । 

निर्माण कम्पनीका सञ्चालक सोम थापाले भने, ‘गत वर्ष चैतमा कोरोना महामारीका कारण लकडाउन, निषेधाज्ञा भयो । काम गर्न पाइएन, तसर्थ १ वर्ष समय थप भएको हो ।’ 

उनले अगाडि भने, ‘तैपनि सिर्जनाचोक क्षेत्रमा बिजुलीको करीब ११ हजार भोल्ट बराबरको हाइटेन्सन लाइन हटाउन महानगरमा ताकेता गर्दा पनि हटाइएको छैन । त्यसले गर्दा पनि काम सुचारू ढंगले अघि बढ्न नपाएको हो ।’ 

यसबारेमा पोखरा महानगरपालिकाका प्रवक्ता धनबहादुर नेपालीले पोल विस्थापित गर्नका आवश्यक लागतसहित इस्टिमेट भएर नेपाल विद्युत् प्राधिकरणलाई जिम्मा दिने काम हुँदै गरेको जानकारी दिए । 

पुल बन्ने क्षेत्रको चारैतिर हाल पुराना खालका ८ मिटर अग्ला बिजुलीका पोल छन् । ती पोल हटाएर १६ मिटर अग्ला १६ थान पोल राख्नुपर्दछ । प्राधिकरणलाई जिम्मा दिएपछि दुई साताभित्रै पोल विस्थापित भइसक्ने उनले बताए ।
पोल विस्थापन कार्य कहिलेदेखि शुरू हुन्छ भन्नेमा महानगर आफैँ अन्यौलमा छ ।

हालसम्म खाल्डो खनेर पिल्लर राख्ने काम सम्पन्न भएको छ भने भर्‍याङको काम जारी छ । गडर अर्थात बिमको काम थाती नै छ । सोका लागि बिजुलीको पोल हटाउनै पर्दछ । 

यसैबीच, पोखरा महानगरका मेयर मानबहादुर जिसीले विविध समस्याले निर्माण अवधि बढेको स्वीकार्दै अब भने द्रूत ढंगमा काम अघि बढ्ने दाबी गरे । उनले महानगरले आवश्यकता हेरेर पोखराका व्यस्त चोकहरूमा क्रमशः यसखालको पुल बनाउने योजनालाई अगाडि बढाउने जानकारी दिए ।

पोखरामा बढ्दो जनघनत्व र सवारी साधनका कारण मुख्य चोकहरूमा आकाशे पुलको आवश्यकता बढ्दै गएको हो । सिर्जनाचोक बाहेक ५ ठाउँमा आकाशेपुल निर्माणका लागि अध्ययन भइरहेको महानगरले जनाएको छ । 

आकाशे पुल निर्माणका लागि कास्की क्षेत्र नम्बर २ का तत्कालीन सांसद तथा पर्यटनमन्त्री रवीन्द्र अधिकारीले पूर्वाधार विकास कार्यक्रममार्फत् ५० लाख रुपैयाँ बजेट उपलब्ध गराएका थिए ।

स्टिल ट्रस पेडेस्ट्रेन ओभरहेड ब्रिज नेपालमै पहिलो पल्ट पोखरामा बन्न लागेको दाबी गरिएको छ । एक ठाउँबाट आकाशे पुलमा चढेपछि चारै तिरबाट झर्न मिल्छ । 

आकाशे पुलका लागि जमिनमुनि सिमेन्ट र जमिनमाथिको सबै संरचना स्टिलको हुनेछ । २०७६ जेठ ५ मा आकाशेपुल निर्माणका लागि सम्झौता भएको हो । पुलको गत वर्ष मंसिर अन्तिम साता गण्डकी प्रदेशका मुख्यमन्त्री पृथ्वीसुब्बा गुरुङले शिलान्यास गरेका थिए । 

निर्माण कम्पनीले निर्माण समयसीमाभन्दा पहिले नै चैतमा सक्ने दाबी गरेको थियो । 

यातायात व्यवस्था कार्यालय गण्डकीका अनुसार हाल पोखरा नगरमा दैनिक २ लाख २५ हजार साना ठूला सवारीसाधन गुड्छन् । सो कार्यालयको २०५४ को तथ्यांकमा ४५ हजार सवारीसाधन दर्ता भएकोमा अहिले बढेर झण्डै २ लाख दर्ता भैसकेका छन् ।

स्मार्ट सिटी अवधारणामा अघि बढेको देशकै सबैभन्दा ठूलो क्षेत्रफलमा फैलिएको पोखरा महानगरपालिकामा ट्राफिक व्यवस्थापनबारे बेलैमा नसोचे काठमाडौं उपत्यकाको हाल हुने पोखरेलीको चिन्ता छ । 

hAMROPATRO BELOW NEWS
TATA Below
फागुन २९, २०८०

एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...

कात्तिक १७, २०८०

विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...

माघ ८, २०८०

राष्ट्रिय स्वतन्त्र पार्टीका सभापति रवि लामिछाने र सोही पार्टीका नेता समेत रहेका पूर्व बैंकर अनिल केशरी शाहले 'चेक क्लियरिङ'का सम्बन्धमा गरेको दाबीमा गम्भीर प्रश्न उठेको छ । सहकारी ठगी प्रकरणमा प्रस्टीकर...

कात्तिक २७, २०८०

 तिहारकाे समयमा स्वदेशी पेन्ट्सको प्रयोग गरेर सरकारी निवासहरू चिटिक्क बनाइएको छ । यदि तपाईँ अहिले शीतलनिवासस्थित राष्ट्रपति भवन, बालुवाटारस्थित प्रधानमन्त्री निवास र प्रधान न्यायाधीशको निवासमा पुग्नुभयो...

पुस ८, २०८०

शनिवार राष्ट्रपति रामचन्द्र पौडेलले नेपाल उद्योग परिसंघ (सीएनआई)द्वारा विराटनगरमा आयोजित कोशी प्रदेशको दोस्रो पदस्थापन समारोह कार्यक्रममा नेपालको अर्थतन्त्रमा देखिएको समस्याबारे आफू गम्भीर रहेको बताए । उनले आन्त...

फागुन ३०, २०८०

अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x