थाइल्यान्डका यी माझीले फेला पारे ह्वेल माछाको बान्ता, मूल्य ३ करोडभन्दा बढी ! (भिडियो)

थाइल्यान्डका एक माझीले १४ दिनअघि ह्वेलमाछाको बान्ता फेला पारेका छन् । त्यसको मूल्य तीन करोड ३५ लाख जति पर्छ । 
 

चालेर्मचाइ महापान नामक ती २० वर्षीय माझीले ह्वेलको सात किलो बान्ता समिला बीचमा फेला पारेका थिए । 

---

Advertisement

---

माछा मार्न गएको बेलामा समुद्रमा मौसम बिग्रेपछि किनारतिर आउन बाध्य भएको उनले बताए । 

किनारमा डुंगा ल्याउँदा चालेर्मचाइले बालुवामा सेतो बान्ता फेला पारे । 

---

Advertisement

---

उनले त्यसलाई घर ल्याए र गाउँलेहरूलाई यो के होला भनी सोधे । उनीहरूले यो एम्बरग्रिस हो भनी बताए । 
 

ह्वेलको आन्द्रामा एम्बरग्रिस बन्छ र उसले छादेपछि डल्लो कहिलेकाहीँ लहरमा लहरिँदै किनारमा आइपुग्छ । 
 

एम्बरग्रिसको गन्ध नराम्रो हुन्छ तर त्यसलाई सुकाएपछि त्यसको सुगन्ध आउँछ र त्यो लामो समयसम्म टिक्छ । पर्फ्युम उद्योगले एम्बरग्रिसलाई मरिहत्ते गरी खोज्छ । 

त्यसैले यसको मूल्य महंगो हुन्छ ।