नेपाली कांग्रेसले बिहीवार संसद विघटनविरुद्ध देशभर ६ हजार ७४३ वटै वडामा प्रदर्शन गर्दैछ । 

केन्द्रीय कार्यसमिति बैठकले गरेको निर्णयअनुसार कांग्रेसले बिहीवार वडास्तरीय विरोध कार्यक्रम गर्दैछ ।

देशभरका विभिन्न वडामा हुने विरोध कार्यक्रममा नेताहरुले सहभागिता जनाउने छन् ।

वडास्तरीय विरोध कार्यक्रममा सहभागी हुन सभापति शेरबहादुर देउवाले सबैमा अपिल गरेका छन् । बुधवार अपिल जारी गर्दै देउवाले घरघरबाट विरोधमा सहभागी हुन अपिल गरेका छन् ।

संसद विघटनको कदमलाई असंवैधानिक र अलोकतान्त्रिक ठहर गरेर नेपाली कांग्रेसले पुस १३ गते १६५ निर्वाचन क्षेत्रमा, पुस २५ गते ३३० प्रदेशसभा निर्वाचन क्षेत्रमा तथा माघ ३ गते ७५३ पालिकाहरुमा विरोध प्रदर्शन गरिसकेको छ ।