रुसको साइबेरियामा रहेको एक प्राथमिक विद्यालयका विद्यार्थीहरूले कट्टु मात्र लगाएर जाडोमा भवनबाहिर चिसो पानीले नुहाएका छन् । यो उनीहरूको पाठ्यक्रमको एक हिस्सा हो । 
 

क्रास्नोयार्स्कमा रहेको एक सरकारी प्राथमिक विद्यालयमा यसरी चिसो पानीले नुहाउँदा बालबालिका स्वस्थ रहने र संक्रमण नहुने विश्वास गरिन्छ ।

यी बालबालिका तापक्रम २५ डिग्री सेल्सियसबाट नघटेमा दिनदिनै चिसो पानीले नुहाउने गरेका छन् । 

‘यी बच्चाहरूले पहिला आफूलाई साउनामा तातो बनाए अनि बाहिर गएर चिसो पानीले नुहाउने परम्परा निर्वाह गरे,’ क्रास्नोयार्स्क शिक्षा विभागका एक प्रवक्ताले बताइन् । 

बालबालिकाका मातापिताले चिसो पानीले नुहाउने अनुमति दिने गरेको किनकि यसो गर्दा बच्चाहरू कम बिरामी हुने गरेको प्रवक्ताको भनाइ छ । 

एकदम ठण्डी भएको बेलामा श्वासप्रश्वासको अभ्यास गर्न पनि यी बालबालिकालाई सिकाउने गरिएको छ । 

चिसो पानीले नुहाउने बालबालिका बढी समझदार, सन्तुलित र आशावादी हुने शिक्षकहरूको भनाइ छ ।