रूपन्देहीको गैडहवा गाउँपालिका वडा नम्बर १ की ५५ वर्षीया महिलालाई धारिलो हतियार प्रयोग गरी हत्या भएको छ । 

इलाका प्रहरी कार्यालय, लुम्बिनी रूपन्देहीका अनुसार ५५ वर्षीया कलावती धोबीको शब तोरीबारीमा धारिलो हतियार प्रयोग गरी हत्या गरिएको अवस्थामा फेला परेको हो हो । एक साता अगाडि पनि रुपन्देहीकै मर्चवारमा एक पुरुषको जलेको अवस्थामा शव फेला परेको थियो । 

बुधवार साँझ ५ बजे घरबाट निस्किएको धोबीको राति साढे ८ बजेतिर परिवारले खोजी गर्ने क्रममा आफ्नै तोरीबारीमा हत्या गरेको अवस्थामा शव फेला परेको इप्रका लुम्बिनीमा इन्स्पेक्टर रवीन्द्र महतले जानकारी दिए । 

उनले भने, ‘घटनाको विस्तृत अनुसन्धान भइरहेको छ । शवको पोष्टमार्टम रिर्पोट आउन पनि बाँकी छ । घरबाट उत्तरतर्फ एक किलोमिटर नजिकै तोरी बारीमा घोप्टो परेको अवस्थामा शव भेटिएको थियो ।’ 

मृत शरिरमा घाउ चोट रहेको र प्रारम्भिक अनुसन्धानले हत्या नै गरिएको भन्न सकिने महतले बताए । 

शव भीम अस्पताल भैरहवामा पोष्टमार्टम गराइएको छ । मृतकका घरबाट साँझ पाँच बजे निस्केपछि राति अबेरसम्म नफर्किएपछि आफन्तले खोज तलास गर्दा तोरीबारीमा शव देखेपछि प्रहरीलाई खबर गरेका थिए ।