दुर्गेश थापा चर्चित गायक तथा मेडल हुन् । पछिल्लो समय स्टेजमा उनको माग निकै हुने गर्छ । उनले गाएका गीत युट्युब ट्रेन्डिङमा आउँछन् ।

उनै दुर्गेश ‘बा’ बनेका छन् । यो खबरले धेरैलाई अचम्मित बनाएको छ । अचम्मित बनाउने कुरा के हो भने उनले विवाह गरेको उनका शुभचिन्तकहरूले पनि थाहा पाएका थिएनन् ।

मिडियासँगको हरेक अन्तरवार्ता उनले प्रेम सम्बन्धमा रहेको बताएपनि बिहेबारे अहिलेसम्म कुरा खोलेका थिएनन् । 

केही समयअघि लोकान्तरसँगको अन्तर्वार्तामा समेत उनले आफू गहिरो प्रेम सम्बन्धमा रहेको बताएका थिए ।

बुवा भनेपछि लोकान्तरको सम्पर्कमा आएका दुर्गेशले आफूले गत वर्ष नै बिहे गरेको बताए । 

उनले भने, ‘नजिकका साथीभाइलाई त थाहा थियो । तर धेरैलाई थाहा नभएको साँचो हो,’ दुर्गेशले स्वीकारे ।

उनले आफ्नो बिहे अघिल्लो वर्षको दशैंमा भएको बताए ।

दुर्गेशकी पत्नी प्राची लामा हुन् । 

सुटुक्क बिहे गरेर घरजम गरेका उनीहरूले सबैलाई एक्कासि सरप्राइज दिएका छन् ।