नेपालका लोकप्रिय गायक शिव परियारको फेसबुक ह्याक प्रयास भएको छ । गायक परियारले पटक पटक केहि व्यक्तिबाट यो प्रयास भएको जानकारी गराएका छन् ।

लोकान्तरसँग बोल्दै उनले भने, ‘धेरै पटक प्रयास भइरहेको । पासवर्ड पनि परिवर्तन गरिरहेको छु । अब ह्याक गर्ने प्रयाससहित प्रहरीमा उजुरी दर्ता गर्दैछु ।’

आइतबार मात्रै उनको धेरै पटक ह्याक प्रयास भएको पाइएको छ । गायक परियारको फेसबुक पेज फेरिफाइड छ । उक्त पेज ह्याक गर्नका लागि अथवा उनको एकाउन्ट ह्याक गरेर व्यक्तिगत डाटा चोर्न ह्याक प्रयास गरिएको हो त्यो भने बुझ्न सकिएको छैन ।