‘म ईश्वर, देश र जनताका नाममा शपथ लिन्छु’ दोस्रोपटक प्रधानमन्त्री हुँदै गर्दा २०७४ फागुन ३ गते राष्ट्रपतिबाट पद तथा गोपनीयताको शपथ लिँदा प्रधानमन्त्री केपी ओलीले भने, राष्ट्रपतिबाट पद तथा गोपनीयताको शपथ लिँदा प्रधानमन्त्री केपी ओलीले भने, ‘म देश र जनताको नाममा शपथ लिन्छु ।’ अर्थात उनले ईश्वरको शब्द हटाएर शपथ लिए ।

भगवानको साटो देश र जनताका नाममा शपथ खाएका उनै प्रधानमन्त्री ओली सोमबार सबेरै पशुपति मन्दिर गए, ईश्वरका नाममा सवा लाख दीप प्रज्वलन गरे र ‘विश्व शान्ति र राष्ट्र कल्याणको संकल्प पूजा’ गरे । उनले पशुपति क्षेत्रमा झण्डै एक घण्टा बिताएका थिए ।

  ईश्वरका नाममा शपथ समेत नलिने प्रधानमन्त्री एकाएक पशुपति गएर पूजा किन गरे होलान् ? आजको कान्तिपुर दैनिक लेख्छ–छिमेकी मुलुक भारतमा एउटा ठूलो धार्मिक समूदायलाई आकर्षित गर्ने उद्देश्यले धार्मिक राजनीति फस्टाएको छ । के त्यसैको सिको हुन थालेको हो ?’ पछिल्लो समय प्रधानमन्त्रीमा धर्म, संस्कृति र पूर्वीय दर्शनप्रति अतिरिक्त अनुराग बढेको देखिन्छ ।