नेपाली कांग्रेसका केन्द्रीय सदस्य शेखर कोइरालाले शान्तिपूर्ण प्रदर्शनमा सरकारले गरिरहेको दमनको दण्डबाट मुक्ति पाउन मन्दिरको क्षमा पूजाबाट सम्भव नभएको टिप्पणी गरेका छन् ।

सोमवार प्रधानमन्त्री केपी शर्मा ओलीले पशुपतिनाथ मन्दिरमा क्षमा पूजा गरेकै दिन शान्तिपूर्ण प्रदर्शनमा दमन भएको प्रसंग कोट्याउँदै नेता कोइरालाले सरकारले नागरिक समाजसँग क्षमा माग्नुपर्ने जनाएका छन् ।

मंगलवार बिहान सामाजिक सञ्जाल ट्विटरमा लेख्दै कोइरालाले भनेका छन्, ‘देशको माटो निधारमा लगाएर प्रतिगमनका विरुद्धमा शान्तिपूर्ण प्रदर्शन रहेका नागरिक समाजमाथि बर्बरताको निन्दा र भर्त्सना जति गरेपनि पुग्दैन । त्यो अपराधको दण्डबाट मुक्ति न त मन्दिरमा गरिने क्षमा पुजाबाट सम्भव छ, न त कम्युनिस्ट शब्दकोशको आत्मालोचनाबाट नै । सरकार, नागरिक समाजसँग क्षमा माग ।’

देशको माटो निधारमा लगाएर प्रतिगमनका विरुद्धमा शान्तिपुर्ण प्रदर्शन रहेका नागरिक समाज माथि वर्वरताको निन्दा र भत्सर्ना जति गरेपनि पुग्दैन।त्यो अपराधको दण्डबाट मुक्ति न त मन्दिरमा गरिने क्षमा पुजाबाट सम्भव छ न त कम्युनिष्ट शब्दकोषको आत्मालोचनाबाट नै।
सरकार,नागरिक समाजसँग क्षमा माग।

— Dr Shekhar Koirala (@Shekharnc) January 26, 2021