प्रसिद्ध बेलायती अभिनेत्री कीरा नाइट्लीले पुरुष निर्देशकहरूद्वारा सेक्स सीनको शूटिङ नगर्ने बताएकी छन् । 
 

ब्राइड यान्ड प्रिजुडिस र द इमिटेसन जस्ता फिल्ममा प्रमुख भूमिका निर्वाह गरेकी र दुईपटक अस्कर अवार्ड्सका लागि नामांकित भएकी कीराले कनेक्ट पोडकास्टमा कुरा गर्दै आवश्यकता परेमा महिला निर्देशकसँग मात्र यस्ता सीन शूट गर्न आफूलाई सहज लाग्ने बताइन् । 

आफूलाई पुरुषको यौनदृष्टि (मेल गेज) बाट सहजता अनुभव नहुने कीराले बताइन् । 
 

पैंतीस वर्षीया कीरा विवाहित छिन् र उनका दुई सन्तान छन् । उनले हलिउडमा सेक्स सीनहरू शूट गरिसकेकी छन् । आफ्टरम्याथ र एटोनमेन्टमा उनले सेक्स सीन दिएकी छन् । 

कुनै कुनै फिल्ममा सेक्स सीनहरू सौन्दर्यपूर्ण, कलात्मक र फिल्मको स्क्रिप्ट अनुसार हुने तर अहिले समय परिवर्तन भइसकेको उनले बताइन् । आफ्नो शरीरले दुई बच्चा जन्माइसकेकाले फिल्म क्रूका अगाडि सेक्स सीन गर्न आफूलाई असहज लाग्ने उनको भनाइ छ ।