शुरू भयो कोरोनाविरुद्धको खोप अभियान, प्रधानमन्त्री ओलीले बालुवाटारबाट गरे अवलोकन

नेपालमा कोभिड– १९ विरुद्धको खोपको बुधवार शुभारम्भ गरिएको छ ।

प्रधानमन्त्री केपी शर्मा ओलीले बालुवाटारमा आयोजित विशेष समारोहबीच कोभिडविरुद्धको खोपको शुभारम्भ भएको घोषणा गरेका हुन् ।


Advertisement

प्रधानमन्त्रीले खोप अभियान शुभारम्भ गरेलगत्तै देशका विभिन्न भागमा खोप लगाउन शुरू गरिएको छ । 


Advertisement

बुधवार १ सय ३० स्वास्थ्य केन्द्रबाट ११ हजार व्यक्तिलाई खोप लगाइने छ । प्रधानमन्त्री केपी शर्मा ओलीले देशका विभिन्न स्थानमा शुरू भएको खोप कार्यक्रमको भिडियो अवलोकन गरेका थिए ।

त्रिवि शिक्षण अस्पतालमा निर्देशक दिनेश काफ्ले, टेकु अस्पतालका निर्देशक सागरराज भण्डारीले लगायतले खोप लगाएका छन् ।

अभियान शुभारम्भ गर्दै प्रधानमन्त्री केपी शर्मा ओलीले कोभिड– १९ विरुद्धको लडाईंलाई माथि उठाएको बताए ।

नेपालका लागि गएको एक वर्ष अत्यन्त कठीन भएको ओलीले बताए । 

स्वास्थ्य तथा जनसंख्या मन्त्री हृदयेश त्रिपाठीले नेपालले सोचेभन्दा छिटो समयमा कोभिड– १९ विरुद्धको खोप लगाउन शुरू गर्न सकिएको बताए । 

बेलायतको अक्सफोर्ड विश्वविद्यालयले बनाएको खोप विश्वकै ठूलो खोप उत्पादक कम्पनी सेरम इन्स्टिच्युट इन्डियाले उत्पादन गरेको जानकारी गराए । 

भारत सरकारले नेपाललाई माघ ८ गते कोभिशिल्ड खोपको १० लाख डोज उपलब्ध गराएको थियो । 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्