पूर्व प्रधानमन्त्री एवम् समाजवादी पार्टी नेपालका संघीय परिषद् अध्यक्ष डा. बाबुराम भट्टराईले राजनैतिक दलहरू सत्तादोहनको भर्‍याङ मात्र बनेको टिप्पणी गरेका छन् । 

केही दिन अघि भएको नागरिक अधिकारकर्मीहरूको आन्दोलनको पक्षमा बोल्दै डा. भट्टराईले पछिल्लो समय भइरहेको सार्वजनिक बौद्धिकहरूको सक्रियता प्रशंसनीय भएको बताएका छन् । 

उनले अहिले राजनीतिक दल तथा नेताहरूलाई ओली प्रतिगमनको गम्भीरता बुझ्न हम्मे पर्नु विडम्बनापूर्ण भएको उल्लेख गरेका छन् । 

सामाजिक सञ्जाल ट्वीटरमा उनले लेखेका छन्,'ओली प्रतिगमनको गम्भीरता बुझ्न राजनीतिक दल/नेतालाई हम्मे पर्नु विडम्बनापूर्ण छ। दल भनेकै समाजका अगुवा चेतनाका संगठित अभिव्यक्ति हुन्/हुनुपर्छ। तर हामीकहाँ दल सत्तादोहनका भर्‍याङ मात्र बन्दैछन्। यस्तोमा सार्वजनिक वौद्धिकहरूको सक्रियता प्रशंसनीय छ ।'

ओलीप्रतिगमनको गम्भीरता बुझ्न राजनीतिक दल/नेतालाई हम्मेपर्नु विडम्वनापूर्ण छ।दल भनेकै समाजका अगुवा चेतनाका संगठित अभिव्यक्ति हुन्/हुनुपर्छ।तर हामीकहाॅ दल सत्तादोहनका भर्यांग मात्र बन्दैछन्।यस्तोमा सार्वजनिक वौद्धिकहरूको सक्रियता प्रशंसनीय छ @sanjeevuprety @narayanwagle @YugPathak

— Baburam Bhattarai (@brb1954) January 28, 2021