चीनले कोरोनाभाइरस परीक्षणका लागि मानिसहरूको मलद्वारको स्वाब लिँदै

चीनले मानिसहरूको कोरोनाभाइरस परीक्षणका लागि मलद्वारको स्वाब लिन थालेको छ । नाक र मुखबाट लिइने स्वाबभन्दा यो सही हुने र यसबाट भाइरस पत्ता लाग्ने सम्भावना बढी हुने विज्ञहरूको कथन छ । 

टेस्ट स्याम्पल संकलन गर्नका लागि स्वाबलाई मलद्वारको तीनदेखि पाँच सेन्टीमिटरसम्म प्रवेश गराउनुपर्छ र धेरैपटक घुमाउनुपर्छ । 


Advertisement

यो प्रक्रिया दुईपटक गरेपछि स्वाबलाई सुरक्षित स्थानमा राखिन्छ । यो सबै गर्न जम्मा १० सेकेन्ड लाग्छ । 

बेइजिङमा सामूहिक परीक्षण गर्दा नौ वर्षका एक बालक पोजिटिभ पाइएपछि मलद्वार स्वाब परीक्षण थालिएको हो । 


Advertisement

जनवरी १७ देखि अहिलेसम्म बेइजिङका तीन डिस्ट्रिक्टमा तीस लाखभन्दा बढी स्थानीयहरूले कोरोनाभाइरस परीक्षण गराइसकेका छन् । 
 

मलद्वार स्वाब परीक्षण कोरोनाभाइरस परीक्षणका लागि चीनमा केही महिनाअघि नै आरम्भ गरिएको थियो तर यो असहज हुने भएकाले लक्षित समूहलाई क्वारेन्टीन सेन्टरमा मात्र उपयोग गरिएको एक रोग नियन्त्रणविज्ञले बताए । 

एजेन्सी
एजेन्सी

लेखकबाट थप...

कमेन्ट गर्नुहोस्