अभिनेत्री तथा मोडल सुष्मा कार्कीले आफूमाथि कुटपिट र दुव्र्यवहार भएको भन्दै प्रहरीको शरणमा पुगेकी छन् ।

उनले स्वेता खड्काकी बहिनी आरती खड्का र युट्युबर उत्सव रसाइलीले कुटपिट र गालीगलौज गरेको आरोप लगाएकी छन् ।

आफुसँग सबै रेकर्ड भएको बताउँदै उनले आफूमाथि उत्सबले गालीगलौज गरेको र स्वेताकी बहिनीले कुटपिट गरेको जनाएकी छन् ।

आफूमाथि दुव्र्यवहार भएको समयमा स्वेता र श्रीमान पनि साथमा रहेको उनको भनाई छ । यस विषयमा आफुले छिट्टै पुर्ण जानकारी गराउने अभिनेत्री कार्कीले बताइन् ।
यस विषयमा प्रहरीले अनुसन्धान भइरहेको जनाएको छ ।

पछिल्लो समय खासै चलचित्रमा नदेखिएकी उनी बेला बेलामा विवाद र गसिपमा छाइरहेकी हुन्छिन् ।