इन्जिनीयरिङको फीस तिर्न माटो बोकिन् यी महिलाले

कुनै पनि काम सानो र छुद्र हुँदैन भन्छिन् २२ वर्षीया लोजी बेहेरा ।

उनले भारतको उडिसा राज्यमा इन्जिनीयरिङको डिप्लोमा लिएकी छन् । उनले कलेजको फी तिर्नका लागि सरकारको रोजगारी स्किम अनुसार मजदूरमा नाम लेखाएकी छन् । 
 


Advertisement

लोजी गरीब दलित परिवारमा जन्मेकी हुन् । उनले पुरीमा रहेको देलाङमा रहेको एक निर्माण स्थलमा २० दिनसम्म काम गरेकी थिइन् । दिनको भारु २०७ उनले कमाएकी थिइन् । कलेजको फीस तिरेर डिप्लोमा प्रमाणपत्र हात पार्ने उनको योजना छ । 

भुवनेश्वरमा रहेको एक निजी कलेजकी विद्यार्थी लोजीले माटो भरिएको भाँडो बोकेको कुरा एक स्थानीय न्युज च्यानलले देखाएको थियो । उनको बारेमा शहरमा चर्चा चल्यो अनि जिल्ला अधिकारीहरूले उनलाई सहायता गर्न आए । 


Advertisement

लगत्तै कलेजका अधिकारीहरू उनको घरमा प्रमाणपत्र लिएर पुगे । 

डकर्मीकी छोरी लोजीका पाँच दिदीबहिनी छन् र तीमध्ये दुईजना उनीसँगै निर्माण स्थलमा काम गरिरहेका थिए । 

कलेज अधिकारीहरूले शुरूमा फीस तिर्न दबाब दिएको र फीस माफ गर्नू भन्दा वास्ता नगरेको तर टीभी च्यानलले देखाएपछि अधिकारीहरूको होश खुलेको लोजीले बताइन् ।
 

एजेन्सी
एजेन्सी

लेखकबाट थप...

कमेन्ट गर्नुहोस्