तिमी बिस्तारै बिस्तारै मर्न थाल्छौ [कविता]

  • मार्था मेडेरोज

तिमी बिस्तारै बिस्तारै मर्न थाल्छौ
यदि गर्दैनौ भने कुनै यात्रा
पढ्दैनौ भने कुनै किताब
सुन्दैनौ भने जीवनको ध्वनि
गर्दैनौ भने कसैको तारिफ ।


Advertisement

तिमी बिस्तारै बिस्तारै मर्न थाल्छौ
जब तिमी मार्छौ आफ्नो स्वाभिमानलाई
जब गर्न दिन्नौ आफ्नो सहयोग अरुलाई
र गर्दैनौ अरुको सहयोग ।

तिमी बिस्तारै बिस्तारै मर्न थाल्छौ
जब बन्छौ आफ्नो बानीको दास
जब हिँड्छौ सधैं एउटै बाटो
कहिल्यै फेर्दैनौ आफ्नो दैनिक नियम व्यवहार
कहिल्यै लगाउँदैनौ अलगअलग रंगका कपडा
जब कहिल्यै बोल्दैनौ अपरिचित र अनजानसँग ।


Advertisement

तिमी बिस्तारै बिस्तारै मर्न थाल्छौ
जब तिमी महसूस गर्न थाल्छौ आवेगहरूलाई
र त्यससँग जोडिएको अशान्त भावनालाई
जसले भिजाइदिन्छ तिम्रा आँखाहरू
र बढाइदिन्छ तिम्रो मुटुको ढुकढुकीलाई ।

तिमी बिस्तारै बिस्तारै मर्न थाल्छौ,
जब तिमी बदल्न सक्दैनौ आफ्नो जिन्दगीलाई
जब तिमी असन्तुष्ट हुन्छौ आफ्नो काम र परिणामबाट
यदि तिमी अनिश्चितताको लागि निश्चिततालाई छोड्न सक्दैनौ भने
यदि तिमी कुनै सपनाको पीछा गर्दैनौ भने
यदि तिमी कुनै समझदारको सल्लाह लिनबाट सधैं भाग्छौ भने ।
तिमी बिस्तारै बिस्तारै मर्न थाल्छौ ।

(ब्राजिलियन कवि मार्था मेडेरोजको Fading Slowly नोबेल पुरस्कार विजेता स्पेनिश कवि पाब्लो नेरुदाको ‘यू स्टार्ट डाइङ स्लोली’ कविताका रूपमा पनि प्रचारित छ ।)

* (यस कविताको वास्तविक लेखक मार्था मेरेडोज हुनुपर्नेमा पाब्लो नेरुदा उल्लेख भएकाले सच्याइएको छ ।)

कमेन्ट गर्नुहोस्