प्रचण्ड–नेपाल समूहले भन्यो–अब नयाँ ढंगले अघि बढ्छौं (विज्ञप्तिसहित)

नेकपा प्रचण्ड–नेपाल समूहले अबको नयाँ परिस्थितिमा गम्भीर जिम्मेवारी बोध गर्दै नयाँ ढंगले अगाडि बढ्ने बताएको छ । सो समूहका प्रवक्ता नारायणकाजी श्रेष्ठले सर्वोच्च अदालतले मंगलबार प्रतिनिधिसभा पुनःस्थापना गरेपछि एक विज्ञप्ति जारी गर्दै संविधानको प्रभावकारी कार्यान्वयन, लोकतन्त्रको उन्नत अभ्यास एवम् सुदृढीकरण, सुशासन, सामाजिक  आर्थिक रुपान्तरण, सामाजिक न्यासहितको समृद्धि र समाजवादको आधार निर्माणलगायतका विषयमा गम्भीर आत्मसमीक्षासहित सबै लोकतान्त्रिक शक्तिहरूसँग हातेमालो गर्दै नयाँ ढंगले अघि बढ्ने प्रतिवद्धता व्यक्त गरेका हुन् ।
विज्ञप्तिमा अहिले असंवैधानिक एवम् प्रतिगामी कदम परास्त र असफल भएपनि त्यस्ता खाले षड्यन्त्र हुन सक्ने भन्दै सचेत रहन पनि अपील गरिएको छ ।

विज्ञप्तिमा सर्वोच्चको फैसलाको स्वागत गर्दै प्रतिनिधिसभालाई बचाउनुका साथै संविधान र लोकतन्त्रको रक्षामा समेत ऐतिहासिक योगदान पुगेको ठहर गरिएको छ ।


Advertisement

 


Advertisement

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्