गल्फ खेलाडी टाइगर वूड्स परे सडक दुर्घटनामा, अस्पतालमा उपचार गराउँदै

अमेरिकाको लस एंजिलिसमा भएको सडक दुर्घटनामा परी गल्फका चर्चित खेलाडी टाइगर वूड्स घाइते भएका छन् । 

नजिकैको अस्पतालमा उनको उपचार चलिरहेको छ । उनको गोडामा चोट लागेको बताइएको छ । 


Advertisement

गाडीभित्रको एयरब्यागका कारण वूड्सको ज्यान बाँचेको बताइएको छ । 

लस एन्जिलिसको स्थानीय समयअनुसार मंगलवार बिहान ७ः१२ मा रोबिङ हिल्स एस्टेट्स र र्‍यान्चो पालोस वेरिड्स नजिक वूड्सको कार दुर्घटनामा परेको थियो । 


Advertisement

उनले कार चलाइरहेको र कारमा उनीसँग कोही पनि नभएको बताइएको छ । कार निकै धेरै स्पीडमा रहेको र डिभाइडरमा ठोकिएर दुर्घटना भएको बताइएको छ ।
 

एसयूभीको एयरब्याग सही समयमा खुलेकाले वूड्सलाई गम्भीर चोटपटक नलागेको हो । 

टाइगर वूड्स अमेरिकाका प्रोफेसनल गल्फ खेलाडी हुन् र अहिलेसम्मकै सबभन्दा सफल पनि । कुनै समयमा उनी संसारकै सबभन्दा महंगा खेलाडी थिए । 
 

एजेन्सी
एजेन्सी

लेखकबाट थप...

कमेन्ट गर्नुहोस्