चीनसँगको प्रतिस्पर्धामा भारतीय सेनाले काराकोरमदेखि लिपुलेकसम्मको यात्रा गर्ने

भारतीय सेनाले पर्वतारोहणका साथै अनुसन्धान समेत गरेर देशको उत्तरी सीमामा भारतको वैध दाबीलाई स्थापित तथा प्रकाशित गर्ने जमर्को गरेको भारतीय पत्रिका द टाइम्स अफ इन्डियाले लेखेको छ । 

रक्षा संवाददाता रजत पण्डितको बाइलाइनमा प्रकाशित समाचारमा उल्लेख भएबमोजिम, लद्दाखको काराकोरम पासदेखि लिपुलेक पाससम्मको लगभग १५ सय किलोमिटर क्षेत्रमा स्कीइङ गर्ने भारतीय सेनाको सोच छ । यसको आरम्भ बुधवारबाट गरिनेछ ।


Advertisement

‘चीनले विस्तारवादी नीति अपनाएर भूभागमा कब्जा गर्न खोजेकोले त्यसको प्रभावकारी सामना गर्नु जरूरी छ । सेनाले उत्तरी सीमामा थप बल तथा हातहतियारका साथ शक्ति सन्तुलन बनाएको छ भने पर्वतारोहण तथा अन्य क्रियाकलापमार्फत आफ्नो उपस्थिति जनाउन पनि खोजेको छ,’ एक वरिष्ठ अधिकारीले बताए । 

भारतले वास्तविक नियन्त्रण रेखा तथा अन्तर्राष्ट्रिय सीमा दुवैमा गरेको भूभागीय दाबीलाई व्यापक रूपमा प्रकाशित गर्न खोजेको छ । विज्ञहरूले गरेको अनुसन्धान अध्ययनलाई प्रोत्साहन गर्नुपर्ने अनि राष्ट्रिय तथा अन्तर्राष्ट्रिय जर्नलहरूमा प्रकाशित पनि गर्नुपर्ने आवश्यकता रहेको उनको भनाइ छ । यसक्रममा दस्तावेजीकरण, जियोट्यागिङ र प्रमाण संकलन गरिने उनले बताए । 


Advertisement

स्कीइङ एक्सपिडिसनलाई आरामेक्स २१ नाम दिइएको छ । काराकोरम पासबाट लिपुलेकसम्म ८० देखि ९० दिन लगाएर लद्दाख, हिमाचल, गढवाल र कुमाउँ क्षेत्रमा वास्तविक नियन्त्रण रेखा नजिक यात्रा गर्ने कार्यक्रम रहेको छ । 

यसका लागि विशेष तालिमप्राप्त सैनिकहरूले १४ देखि १९ हजार फीट अग्ला पाराङ ला, लामखागा र मालारीमा पनि यात्रा गर्नेछन् । 

एजेन्सी
एजेन्सी

लेखकबाट थप...

कमेन्ट गर्नुहोस्