रूपन्देहीको मोतीपुरमा शुक्रबार मोतिपुर औद्योगिक क्षेत्रको शिलान्यास गरिएको छ ।

स्थानीयको अवरोधकाबीच अर्थमन्त्री तथा नेकपा महासचिव विष्णु पौडेलले औद्योगिक क्षेत्रको शिलान्यास गरे ।

अर्थमन्त्री पौडेलको गाडीमा ढुंगामुढा समेत गरेका थिए । कार्यक्रम चलिरहदा स्थानीयले नाराबाजी र ढुंगामुढा समेत गरेका थिए । शिलन्यास गरे बुटवल फर्किएपछि स्थानीयले शिलन्यास स्तम्भ पनि स्थानीयले भत्काइदिएका छन् । 

अर्थमन्त्री पौडेलले कसैले अवरोध गर्दैमा औद्योगिक करिडोर निर्माणका कार्य नरोकिने स्पष्ट पारे । ‘औद्योगिक क्षेत्रमा परेका भूमिहीन र सुकुम्बासीको घरबास नभएका, बेघरबार र भूमिहीनकोक व्यवस्थापनको जिम्मा सरकारले लिन्छ’ मन्त्री पौडेलले भने, ‘कसैले उक्साएर अवरोध सृजर्ना गर्दैमा औद्योगिक करिडोर निर्माण रोकिँदैन । यो सरकारको महाअभियान हो । अब तीब्र रूपमा काम अगाडि बढ्छ ।’

हिम्मत छ भने, पर्दा उघारेर परिचयका साथ औद्योगिक करिडोरको विरोधमा सडकमा आउन पौडेलले अवरोध गर्न खोज्नेलाई चुनौती दिए । 

‘हामीले स्थानीयबासीसँग २०७२ सालदेखि नै छलफल र समन्वय गरी अगाडि बढेका हौं । कसैलाई उठिबास लगाउन होइन । ५० हजार भन्दा बढीलाई रोजगारी दिनको लागि हो’ पौडेलले भने । 

केही मानिसहरुलाई उचालेर बिथोल्न खोजे औद्योगिक क्षेत्र शिलान्यासको काम  सफलताका साथ सुरु भएर  सफलताका साथ सम्पन्नको मन्त्री पौडेलले स्पष्ट पारे ।

कसले भड्काएर त्यसले आफूहरूलाई फरक नपार्ने पौडेलले स्पष्ट पारे ।  ‘स्थानीयलाई भूमिसम्बन्धी समस्या समाधान गरी भूमिको मालिक बनाउँछौ । केही मानिसमा भ्रम सृजना गरेर औद्योगिक करणको महाअभियान रोक्न खोज्दैमा रोकिँदैन’ मन्त्री पौडेलले भने । मोतीपुरमा मोति फल्ने पौडेलले दावी गरे । 

वाणिज्य तथा आपूर्ति मन्त्री लेखराज भट्टले यहाँका जनतालाई विस्थापित नगर्ने स्पष्ट पारे । विकास विरोधी कोही पनि हुन नसक्ने बताए । विकासप्रेमीको लागि बुटवलको घटना भ्रत्सना गर्नुपर्ने भएको बताए । मलाई पनि शिलान्यास कार्यक्रम स्थगित गर भनेर फोन आएको थियो । सामान्य होला विरोध जनाएका होलान् भन्ने लागेको थियो । तर, विकास विरोधी तत्वहरु देखियो । यस्तो प्रवृत्तिलाई नरोके देश आर्थिक समृद्धितर्फ जान सक्दैन ।’

८१३ बिगाहा क्षेत्रफलमा ५ वर्षभित्र अनुमानित ८ अर्बको लागतमा निर्माण हुन लागिरहेको मोतिपुर औद्योगिक क्षेत्रमा ५ सय ४४ औद्योगिक प्लट हुनेछन् । औद्योगिक क्षेत्र व्यवस्थापन लिमिटेडले औद्योगिक क्षेत्रको जग्गालाई ३ सेक्टरमा विभाजन गरेर काम अघि बढाएको छ । 

बुटवल उपमहानगरपालिका, तिलोत्तमा नगरपालिका, सियारी गाउँपालिका र शुद्धोधन गाउँपालिको क्षेत्रफललाई समेट्ने गरी बन्न लागेको औद्योगिक क्षेत्र २०४१ साल यताको पहिलो हुनेछ । 

तिलोत्तमा नगरपालिकालाई ‘ए’ वर्ग, मोतीपुर क्षेत्र ‘बी’ वर्ग र फर्साटिकर क्षेत्रलाई ‘सी’ वर्गमा राखेर ती प्लटको निर्माण गरिने छ । ‘ए’ सेक्टरमा १ सय ३० प्लट निर्माण हुनेछन् । सबैभन्दा ठूलो ‘बी’ सेक्टरमा २ सय ६२ प्लट र ‘सी’ सेक्टरमा १ सय ५२ प्लट बन्नेछन् ।