ट्वाइलेटमा गर्ने यो गल्तीले डुबाउँछ तपाईंको स्वास्थ्यलाई

तपाईं दिसापिसाब गर्न जाँदा मोबाइल फोन लिएर जानुहुन्छ ? हो भने आजैबाट यसो गर्न बन्द गरिहाल्नुुस् । 

यस खराब बानीले तपाईंलाई अनेकथरी संक्रमणको शिकार बनाउन सक्छ । त्यति मात्र नभई गम्भीर स्वास्थ्य समस्या पनि तपाईंलाई आइलाग्न सक्छ । 
 


Advertisement

पहिलापहिला केही मानिस शौचालयमा पत्रिका वा किताब पढ्ने गर्थे । आजकल उनीहरू स्मार्टफोन लिएर जान्छन् र त्यहाँँ घन्टौं बिताइदिन्छन् । 

शौचालयमा अन्य ठाउँभन्दा बढी कीटाणु भेटिन्छन् । त्यहाँ धारा, ह्यान्ड ड्रायर र ढोकाको चुकुलमा सबभन्दा बढी कीटाणु हुन्छन् जसलाई हामी देख्न सक्दैनौं । 


Advertisement

त्यसैले शोचालयमा फोन लाँदा तपाईंलाई थाहै नभई फोनमा ब्याक्टेरिया पस्न सक्छ । 
 

एन्नल्स अफ क्लिनिकल माइक्रोबायोलोजी यान्ड एन्टीमाइक्रोबायल्समा छापिएको एक अध्ययनअनुसार, शौचालयमा मोबाइल प्रयोग गर्ने मानिसमध्ये ९५ प्रतिशतमा संक्रमण गराउने ब्याक्टेरिया साल्मोनेला, ई–कोली र सी–डिफिसाइल भेटिएका थिए । 

अमेरिकाको एरिजोना विश्वविद्यालयका अनुसन्धाताहरूले गरेको अध्ययनमा देखिएअनुसार, स्मार्टफोनमा ट्वाइलेट सीटभन्दा १० गुणा बढी ब्याक्टेरिया पाइन्छ । 

दिसा पखालेपछि हात त धोइन्छ र स्मार्टफोन सफा गर्न बिर्सिइन्छ । रोग उत्पन्न गर्ने कीटाणु र ब्याक्टेरिया फोनमा टाँसिइरहेका हुन्छन् र संक्रमणको कारण बन्छन् । 

शौचालयमा स्मार्टफोनको उपयोगले मलद्वारबाट रक्तश्राव हुने समस्या देखापर्न सक्छ । ट्वाइलेट बाउलमा लामो समय बस्दा गुदामा बढी जोड पर्छ अनि पीडा हुने, सुन्निने र रक्तश्राव हुने समस्या आइलाग्छ । 

शौचालय जाँदा फोन बाहिरै राखेर जानु उपयुक्त हुन्छ । लग्नैपर्ने भयो भने त्यसलाई स्यानिटाइजरले राम्ररी सफा गर्नुपर्छ । 

अनि लामो समय शौचालयमा नबसेको राम्रो । विशेषज्ञहरूका अनुसार, मलत्याग गर्दा १० मिनेटभन्दा बढी बस्नुहुँदैन । 

एजेन्सी
एजेन्सी

लेखकबाट थप...

कमेन्ट गर्नुहोस्