नेकपाको प्रचण्ड–नेपाल समूहले सर्वोच्च अदालतको आइतबारको फैसलामा गम्भीर असहमति प्रकट गरेको छ । सोमबार बसेको सो समूहको बैठकले रिट निवेदकको मागदावी भन्दा बाहिर गएर सर्वोच्चले राजनीतिक फैसला गरेको निष्कर्ष निकालेको छ ।
बैठकपछि प्रवक्ता नारायणकाजी श्रेष्ठले पार्टी सर्वोच्च अदालतको फैसलाअनुसार आयोगले कार्यान्वयनको प्रक्रिया जसरी अघि बढाउँछ त्यही अनुसार हुने बताए ।
‘राजनीतिक दलको एकता गर्ने नगर्ने वा एकीकृत पार्टीलाई विभाजन गर्ने जुन फैसला सर्वोच्चले गरेको  छ, त्यसलाई गलत भन्दै गम्भीर असहमति राखेका छौं’, बैठकपछि उनले भने ।  

यद्यपी आफूहरुको असहमति हुँदाहुँदै पनि अदालतको प्रक्रिया कार्यान्वयनमा जाने स्पष्ट रहेको भन्दै उनले राजनीतिक रुपमा आफ्नो दृष्टिकोण र विचार राख्नुका साथै कानुनी ढंगले उपचार खोज्ने प्रक्रिया अघि बढाइने पनि बताए ।

नेकपाकाे नाममा आजकाे बैठक सम्भवत: अन्तिम भएकाे पनि श्रेष्ठले बताए।