नेपाल कम्युनिस्ट पार्टीका नेता माधवकुमार नेपालले सर्वोच्चको फैसलासँगै पार्टी पूर्ववत् अवस्थामा फर्किन बाध्य भएको बताएका छन् । प्रचण्ड–नेपाल पक्षको स्थायी समिति बैठकपछि उनले आफूहरु अलग भएपनि मन भने विशाल भएको प्रतिक्रिया दिए ।

‘प्रचण्डजीको र हाम्रो आजबाट पार्टी अलग भए पनि हाम्रो मन विशाल छ । अनौपचारिक छलफल त भइराख्छ’, सञ्चारकर्मीलाई प्रतिक्रिया दिँदै उनले भने ।
पेरिसडाँडामा बसेकाे प्रचण्ड-नेपाल समूहको स्थायी समिति बैठकमा सर्वोच्चको फैसलाको गम्भीर असहमति प्रकट गरेपनि फैसलाअनुसार आ–आफ्नो बाटो लाग्ने निष्कर्ष निस्किएको हो ।

यसअघि नेकपाको विवाद उग्र बन्दै गर्दा केपी ओली एकातिर र प्रचण्ड–माधव समूह एकातिर रहेका थिए । अब माधव नेपाल समूह पूर्वएमाले तिरै रहने र प्रचण्डले तत्कालीन माओवादीकै नेतृत्व गर्ने भएका छन् ।