नेकपा माओवादी केन्द्रको स्थायी कमिटी बैठक पार्टी कार्यालय पेरिसडाँडामा शुरू भएको छ ।

सर्वाेच्च अदालतले नेकपा एकीकरण हुनुअघिका पार्टी नै कायम हुने फैसला गरेपछि माओवादीको बैठक पहिलो पटक बसेको हो ।

सोमवार प्रचण्ड–नेपाल समूहको बैठकपछि माधवकुमार नेपाल समूहका नेताहरू नेकपा एमालेतिर लागेका छन् ।

माओवादी केन्द्रको स्थायी कमिटी बैठक पेरिसडाँडामा शुरू भएको अध्यक्ष पुष्पकमल दाहाल ‘प्रचण्ड’का प्रेस संयोजक विष्णु सापकोटाले जानकारी दिए ।

बैठकमा समसामयिक राजनीतिक अवस्था र आगामी रणनीतिबारे छलफल हुने जनाइएको छ ।