बुल्गेरियामा चौथो तहको फूटबल प्रतियोगिताको एक खेलमा रेफ्रीमाथि आक्रमण गर्ने खेलाडीहरूलाई कठोर सजाय दिन फूटबल प्रशंसकहरूले माग गरेका छन् । 

घटनाको भिडियोमा रेफ्रीले पहेंलो कार्ड देखाएपछि आक्रोशित खेलाडीहरूले उनलाई घेरेको देखिन्छ । 

एक खेलाडीले रेफ्रीलाई मुखैमा मुक्का हानेको अनि उनी तथा उनका साथीहरूले मैदानबाट लखेटेको देखिन्छ । त्यसपछि खेल बीचैमा स्थगित गरिएको थियो । 

अर्का एक खेलाडीले रेफ्रीको गाला चड्काएका थिए । 
 

बुल्गेरियाको चौथो डिभिजन फूटबल अर्धव्यावसायिक लीग हो । देशमा माथिल्ला दुई डिभिजन मात्र व्यावसायिक मानिन्छन् । 

खेल स्थगित गराएपछि प्रशिक्षक र ट्रेनरहरू समेत झैझगडामा सहभागी भएका थिए । 

एकजना व्यक्तिले म्याचका अधिकारीलाई बेस्सरी बलले हिर्काएका थिए । ती अधिकारी भागेर नजिकैको कारपार्कमा लुकेका थिए । 

‘उनीहरूमाथि प्रतिबन्ध लगाऊ । यस्तो व्यवहार सह्य छैन,’ भिडियो सार्वजनिक भएपछि एक प्रशंसकले लेखे । 
 

An unbelievable moment in the Bulgarian fourth tier 😳

A match was abandoned after the referee was chased from the pitch by players and officials pic.twitter.com/6n4hZSzG2j

— Football Daily (@footballdaily) March 17, 2021