बलिउड अभिनेत्री अनुष्का शर्मा र उनका पति क्रिकेटर विराट कोहली दुवै पशुप्रेमी हुन् । 
 

अनुष्काले पशु सुरक्षाका विषयमा कुरा उठाउने गरेकी छन् र पशुअधिकारको पैरवी गर्ने गरेकी छन् । उनले छाडा पशुहरूको आश्रयस्थल मुम्बईको काँठ क्षेत्रमा खोल्ने भएकी छन् । 

विराट कोहलीले पत्नीको इच्छाबमोजिम मुम्बईमा पशु कल्याण परियोजना सञ्चालन गरेका छन् । उनले मुम्बईमा दुई पशु आश्रय केन्द्र सञ्चालनका लागि दुई संस्थाहरूसँग समन्वय गरेका हुन् । 

पशु आश्रय केन्द्रहरू मलाड र बोइसारमा स्थापना गरिनेछ । मलाडमा अस्थायी पुनःस्थापना केन्द्र बनाइनेछ जहाँ कुकुर र बिरालोलाई घाउचोट लागेमा निको नहुन्जेल उपचार गरिनेछ । 
 

बोइसारमा स्थायी आश्रय केन्द्र बनाइनेछ । त्यहाँ दृष्टि गुमेका, पक्षघात भएका र दीर्घरोग लागेका वा बूढा भएका जनावरहरू राखिनेछ ।