काठमाडौं । ललितपुरसहित विभिन्न स्थानमा ३ जना मृत अवस्थामा फेला    परेका छन् ।

प्रहरीका अनुसार ललितपुर महानगरपालिका-२८ डेरा गरी बस्ने भारत लौकाहा मधुवनी बस्ने ४५ वर्षीय शँकर शाह (बिहारी)  आफ्नै कोठामा बिहीबार मृत अवस्थामा फेला परेका छन् ।
यसैगरी    चितवनको भरतपुर महानगरपालिका-६ गितानगर बजारमा महेश्वर तिवारीको हार्डवयर पसलमा काम गरी बस्ने लम्जुङ बेशिसहर घर बताउने माईला भन्ने ६० वर्षीय बद्रि रावल बिहीबार मृत अवस्थामा फेला परेका छन् ।
    
यसैगरी चितवनकै भरतपुर महानगरपालिका-३ कमलनगरस्थित हरियाली गेष्ट हाउस नजिक हाल नाम, थर, वतन नखुलेका करिब ६५ वर्षीय पुरुष पनि बिहीबार मृत अवस्थामा फेला परेका छन् ।
यस सम्बन्धमा स्थानीय प्रहरीले आवश्यक अनुसन्धान गरिरहेको नेपाल प्रहरीको केन्द्रीय समाचार कक्षले जनाएको छ ।