जसपाले केही दिनको समय मागेपछि ३ दलको बैठक विनानिष्कर्ष टुंगिएको छ ।

प्रमुख प्रतिपक्षी दल नेपाली कांग्रेसका सभापति शेरबहादुर देउवाको निवास बूढानीलकण्ठमा बसेको कांग्रेस, माओवादी केन्द्र र जसपाको बैठकमा जसपाका शीर्ष नेताहरूले केही दिन समय मागेपछि बैठक विनानिष्कर्ष टुंगिएको स्रोतले लोकान्तरलाई जानकारी दियो ।

भावी सत्ता समीकरणका विषयमा पार्टीले निर्णय लिनै बाँकी रहेको भन्दै जसपाका नेताहरूले केही दिन समय दिन माग गरेका थिए ।

जसपाले प्रधानमन्त्री केपी शर्मा ओलीसँग पनि वार्ता अघि बढाउँदै आएको छ ।

वर्तमान सरकारलाई निरन्तरता दिने कि नयाँ सत्ता समीकरणमा सहभागी हुने भन्नेमा जसपामा दुई मत देखिएको छ ।

सोही विवादका कारण जसपाको केन्द्रीय कार्यकारिणी समिति बैठक समेत बस्न सकेको छैन ।