कोरोनाभाइरसको नयाँ लहर निकै खतरनाक छ र भारत अहिले यसको कहरमा परेको छ । 

मध्य प्रदेशको इन्दोरमा कोरोना लागेका आफ्ना पितालाई अस्पतालमा भर्ना गर्न नपाएर बाहिरै राख्नुपर्दा एक छोरी बेस्सरी रोइन् । अस्पतालहरूमा न शय्या उपलब्ध छ, न उपचारको अवसर छ । 

छोरीले अस्पताल बाहिर पितालाई भर्ना गर्नका लागि कुर्दै गर्दा एकपटक त पिताको सास रोकिनै लागेको थियो । पितालाई पानी पियाउँदै अनि आँखाभरि आँसु ल्याउँदै उनी प्रतीक्षा गरिरहेकी छन् । कसैले पनि उनलाई सहायता गर्न सकेन । 

द्रविड नगरका दीपेशले पनि यही नियति भोग्नुपरेको थियो । कोरोनापीडित पितालाई एम्बुलेन्समा राखेर उनी अस्पताल पुगेका थिए । एम्बुलेन्समा कुनै पनि सुविधा थिएन । एक वृद्ध मानिसलाई उनकै भाग्यमा छोडिएको थियो । 

महालक्ष्मी नगरमा एक युवक परिवारका एक सदस्यलाई लिएर अस्पताल आइपुगेका थिए । उनले पनि बेड पाएनन् । अर्को अस्पतालमा पनि बेड नपाइएको उनले बताए ।

कोरोनाको महासंकटका बीच इन्दोर नयाँ केन्द्रविन्दु बनेको छ । त्यहाँ सात हजारभन्दा बढी एक्टिभ केस छन् र तिनको संख्या लगातार बढिरहेको छ ।