बलिउड अभिनेता आमिर खान लाल सिंह चड्ढामा देखिँदैछन् । 

एक नयाँ भिडियोमा उनले कोरोना महामारीका बेलामा फिल्मको शूटिङ गरेको अनुभव बताए । 

लाल सिंह चड्ढा हलिउडको सदाबहार फिल्म फरेस्ट गम्पको रिमेक हो । हिन्दी रिमेकमा करीना कपूर खान पनि छिन् । 

सन् २०२० मा फिल्ममा काम गर्दा कुनै कुरा निश्चित नरहेको उनले बताए । 

उनले मजाक गर्दै भने, ‘संसारले कोरोनाको सामना गरिरहँदा हामीचाहिँ कोरोना र करीनाको सामना गर्दै थियौं । फिल्मकी नायिका उनै हुन् अनि उनी गर्भवती भइन् । यसले जटिलता ल्यायो । हामीलाई हावाले धकेलेर अर्को दिशामा पुर्‍याएको अनुभव भयो ।’

सबै कुरा मिलेछ भने सन् २०२१ को क्रिसमसमा रिलीज गर्ने योजना बनाएको उनले बताए । आमिरले सन् २०१९ मा आफ्नो जन्मदिनमा लाल सिंह चड्ढाको योजना सार्वजनिक गरेका थिए । 

‘मलाई फरेस्ट गम्पको स्क्रिप्ट मन परेको हो । यो त्यस पात्रको रमाइलो कथा हो । यो जीवनप्रति आशा जगाउने कथा हो । यो पूरै परिवार बसेर हेर्न मिल्ने फिल्म हो,’ उनले भनेका थिए ।