नयाँ वर्ष २०७८ को पहिलो कारोबारको दिन नेपाली बजारमा सुनचाँदीको मूल्यमा वृद्धि भएको छ । 

बिहीवार (बैशाख १ गते) नेपाली बजारमा छापावाल सुन प्रति तोला ८९ हजार ८ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । 

कारोबारको अघिल्लो दिन शुक्रवार (२०७७ चैत ३१ गते) छापावाल सुन प्रति तोला ८९ हजार ५ सय रुपैयाँमा कारोबार भएको थियो । 

बिहीवार तेजाबी सुन प्रति तोला ८९ हजार ३ सय ५० रुपैयाँमा कारोबार भइरहेको छ । अघिल्लो दिन यस्तो सुन प्रति तोला ८९ हजार ५० रुपैयाँमा कारोबार भएको थियो । 

महासंघका अनुसार, बिहीवार चाँदी प्रति तोला १ हजार २ सय ९० रुपैयाँमा कारोबार भइरहेको छ । अघिल्लो दिन चाँदी प्रति तोला १ हजार २ सय ६० रुपैयाँमा कारोबार भएको थियो ।