भारतको आन्ध्र प्रदेशस्थित कैरुप्पाला गाउँमा हजारौं गाउँलेले एकअर्कालाई गाईको गोबर छ्यापेका छन् । 
 

पिडकाला समारा नामक उत्सव मनाउने क्रममा बुधवार उनीहरूले गोबर छ्यापाछ्याप गरेका हुन् । 

मिथकमा दुई देवताबीचको विवाह विवादलाई यसै गाउँका वृद्धहरूले मिलाइदिएको र त्यसैको खुशियालीमा गोबर फ्याँक्ने परम्परा चलेको बताइन्छ । 

भारतमा कोभिड संक्रमण ह्वात्तै बढेर गएको भए पनि भीडभाड गरेर उत्सव मनाइएको हो । 

यस उत्सवले शान्ति, सुस्वास्थ्य र समृद्धि दिलाउने विश्वास गरिन्छ ।