मंसिर ४, २०८०
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
बैशाख २, २०७८
बिहीवार दिउँसो १२ बजेर ५७ मिनेटको समयमा कृष्ण आचार्यले आफ्नो फेसबूक वालमा एक तस्वीर शेयर गरे ।
तस्वीरमा दराज अनलाइनबाट सामान किन्दा महिलाको भित्री वस्त्र ‘ब्रा’ आएको देखाइएको थियो ।
उनले तस्वीरको क्याप्सनमा लेखेका थिए, ‘दराज एपबाट स्पिकर अर्डर गरेको महिलाले लगाउने ब्रा ल्याइदिसियो । म के गरुँ ?’
उनको यो स्टाटस केही समयमै भाइरल भयो ।
बुधवार आचार्यले दराज एपमार्फत फेनटेक गेमिङ स्पिकर अर्डर गरेका थिए । जसको मूल्य १ हजार ६६ रुपैयाँ राखिएको थियो ।
दराजले बिहीवार उनलाई सामान त डेलिभरी गर्यो तर महिलाले लगाउने ब्रा पठायो ।
स्पिकर अर्डर गर्दा ब्रा पाएपछि एकातिर अचम्मित बनेका उनले डेलिभरी ब्वाइलाई सामान फिर्ता लैजान भने । तर डेलिभरी ब्वाइले त्यो सामान आफ्नो नभएको भन्दै फिर्ता लान मानेनन् ।
लोकान्तरसँग आचार्यले भने, ‘उनले सामान फिर्ता त गरेनन् तर ढुक्कका साथ कम्पनीले नै आफूलाई सोही सामान पठाएको बताए ।’
डेलिभरी ब्वाइले सामान फिर्ता नलगेपछि तत्कालै उनले कम्पनीको बेवसाइटमा फोन नम्बर खोजे, तर भेटेनन् । पछि फेसबूकबाट कम्पनीलाई फोटोसहित म्यासेज गरे ।
दराजले अटोमेटिक सिस्टममार्फत म्यासेज पठायो, तर थप रेस्पोन्स गरेन । केही समयमै उनको सामान फरक परेको सामाजिक सञ्जालमा भाइरल भयो ।
दराज अनलाइनमा कम्पनीको सम्पर्क नम्बर नभेटेपछि उनले इन्क्वाइरी नम्बर १९७ मा फोन गरी दराजको नम्बर मागे ।
आचार्यले लोकान्तरसँग भने, ‘फोन गरेँ, सामानको बेलिबिस्तार लगाएपछि उताबाट सरी त भने तर सामान फिर्ता गर्न प्रक्रियामा आउनू भने ।’
सामान किन्दा दराजले गर्ने लापरवाही यत्तिमै सीमित छैन र यो पहिलोपटक पनि हैन ।
आचार्यले नै दराजबाट यसअघि पनि सामान अर्डर गर्ने गरेका थिए ।
आचार्य भन्छन्, ‘यसअघि पनि सामान अर्डर गर्दा सामान नपाएपछि एक महिना लगाएर रिफन्ड पाएको थिएँ ।’
उनको पर्चेज कोड २०२२१४२२७१५२०९८ रहेको छ ।
****
यो घटना प्रतिनिधि घटना मात्रै हो ।
दराज अनलाइनले उपभोक्तामाथि यसरी नै चरम लापरवाही गर्ने गरेको पाइएको छ ।
लोकान्तरसँगको सम्पर्कमा आएका अर्का एक उपभोक्ताले पनि दराज अनलाइनले सामान फिर्ता नगर्ने र गरे पनि धेरै नै समय झुलाएपछि मात्रै रकम फिर्ता गर्ने गरेको बताए ।
उनले भने, ‘हामीलाई दराजले झुलाउने गरेको छ, अनलाइनमा कुनै पनि ठाउँमा उसको फोन नम्बर समेत राखेको छैन, हामीले फोन गर्ने ठाउँ समेत पाउँदैनौं ।’
उपभोक्ता अधिकारकर्मीहरूले दराज अनलाइनले पटक–पटक उपभोक्तामाथि लापरवाही गर्ने गरेको पाइएको बताउँदै राज्य संयन्त्रको बेवास्ताका कारण यस्तो भइरहेको दाबी गरेका छन् ।
उपभोक्ता अधिकारकर्मी ज्योति बानियाँ जसले जे गरे पनि हुने भन्ने भएकाले यस्तो भइरहेको टिप्पणी गर्छन् ।
लोकान्तरसँग उनले भने, ‘यहाँ राज्य संयन्त्रले नै गल्ती गर्नेलाई यथेष्ट कारवाही गर्दैन, त्यसकारण यस्ता कम्पनीहरूले उपभोक्तामाथि मनलाग्दी गर्छन् ।’
उनले दराज अनलाइनले यसअघि पनि धेरै नै लापरवाही गरेको बताउँदै उपभोक्ता अधिकारका लागि सरकारी संयन्त्रले बलियो कदम चाल्नुपर्नेमा जोड दिए ।
दराज भन्छ– प्रक्रिया अनुसार चल्छौं
उपभोक्तामाथि चरम लापरवाहीको आरोप लागेको दराज कम्पनीले आफूहरूले गल्ती गरेको बताएको छ ।
लोकान्तरसँग बोल्दै दराजका एक कर्मचारीले गल्ती भएको भएपनि भेरिफाइका लागि समय लाग्ने जनाए ।
दराजले सामान फिर्ताका लागि आफ्नै अफिसमा सामान बोकेर आउनुपर्ने समेत बताएको छ ।
लोकान्तरसँग दराजका एक कर्मचारीले भने, ‘तपाईंले पुतलीसडकको स्टार मलमा रहेको हाम्रो कार्यालयमा सामान छाडिदिनुपर्ने हुन्छ, अनि मात्रै हामी छानबिनको प्रक्रियामा जान्छौं ।’
ती कर्मचारीले सामान फिर्ता गरेपनि तत्कालै रकम फिर्ता गर्न नमिल्ने बताए । उनले प्रक्रियाअनुसार चल्नुपर्ने बताउँदै १० दिनसम्ममा रकम फिर्ता गरिदिने बताए ।
के भन्छ विभाग ?
वाणिज्य आपूर्ति तथा उपभोक्ता संरक्षण विभागले ७ दिन भित्रमा सामान फिर्ता नलिए र रकम फिर्ता नदिए दराजलाई कारवाही गरिने बताएको छ । तर कारवाहीका लागि ७ दिने प्रक्रिया भने लाग्ने विभागको भनाइ छ ।
विभागका निर्देशक सागर मिश्रले लोकान्तरसँग भने, ‘७ दिनभित्र उसले सामान फिर्ता नलिएमा र रकम फिर्ता वा मागेअनुसारको सामान उपलब्ध नगराएमा मात्रै कारवाही गर्ने अधिकार हुन्छ, ७ दिन भित्र सम्बोधन नभए कारवाही प्रक्रियामा जान्छौं ।’
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...