फलाममा सुनको जलप लगाएको पाता दिई सक्कली सुनको सिक्री र पैसा लिएर ठगी गरेको कसुरमा प्रहरीले १ जनालाई पक्राउ गरेको छ ।

धादिङको रुबीभ्याली गाउँपालिका–१ तिपलिङ्ग घर भई काठमाडौंको टोखा नगरपालिका–३ कोठा गरी बस्ने २२ वर्षीय ईमरान, पन्तलाल तामाङ भन्ने रविन्द्र थापा तामाङलाई प्रहरीले पक्राउ गरेको हो ।

ठगी गरेको सूचनाको अधारमा महाशाखाबाट खटिएको प्रहरी टोलीले खोजतलास गर्दै जाँदा काठमाडौं महानगरपालिका–१६ बनस्थलीबाट पक्राउ गरी थप अनुसन्धानका लागि महानगरीय प्रहरी परिसर काठमाडौं पठाइएको प्रहरीले जनाएको छ ।