नेपाल बैंक लिमिटेडको क्युआर कोड काठमाडौं मलमा

नेपाल बैंक लिमिटेड र काठमाडौं मल सञ्चालक दिवा सपना जेभीबीच मलका स्टलमा नेपाल बैंक लिमिटेडको क्युआर सञ्चालन गर्ने र काठमाडौं मलको परिसरमा बैंकको एटीएम सञ्चालन गर्ने उद्देश्यले काठमाडौं मल र नेपाल बैंक लिमिटेडबीच सम्झौता भएको छ ।

काठमाडौं मलका व्यवसायीलाई बैंकले सहुलियत दरमा विना धितो कर्जा पनि उपलब्ध गराउने सम्झौता पत्रमा हस्ताक्षर भएको छ । 


Advertisement

सम्झौता पत्रमा बैंकको तर्फबाट प्रमुख कार्यकारी अधिकृत कृष्णबहादुर अधिकारी र काठमाडौं मल व्यवस्थापक कम्पनीको तर्फबाट प्रमुख व्यवस्थापक विष्णुहरी ढकालले हस्ताक्षर गरेका छन् ।

नेपाल बैंक लिमिटेडले देशभर रहेका २०५ शाखा, ४१ एक्स्टेन्सन काउन्टर, १४६ वटा एटीएमसहित डिजिटल बैंकिङमार्फत् उच्चतम बैंकिङ सेवा प्रदान गर्दै आइरहेको प्रवक्ता प्रकाशकुमार अधिकारीले जानकारी दिए ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्