अर्थमन्त्री विष्णुप्रसाद पौडेलले युवा उद्यमीका जायज सुझावहरूलाई बजेट मार्फत कार्यान्वयनमा लैजाने बताएका छन् ।

आगामी बजेटको सन्दर्भमा युवा उद्यमीहरूसँग सुझाव लिन काठमाडौंमा आयोजित एक कार्यक्रममा बोल्दै अर्थमन्त्री पौडेलले युवा उद्यमीहरूका सम्भव र जायज सुझावहरूलाई कार्यान्वयनमा लैजाने बताएका हुन् ।

छलफलमा युवा उद्यमीहरूले राखेको सुझावमा धेरै महत्वपूर्ण अन्तरतत्त्वहरू अन्तरनिहीत रहेको छ भन्ने ठानेको उनले बताए । अहिलेको परिस्थितिमा औसत गतिमा हिँडेर नहुनेमा आफू स्पष्ट रहेको उनको भनाइ थियो।

देशले कोराेनाको सामाना गरिरहेको र यसबाट केही शिक्षा पाएकाले नयाँ ढङ्गले बजेट निर्माण हुने उनकाे भनाइ छ ।  

कार्यक्रममा युवा उद्यमीहरूले भन्सारमा न्यून विजकीकरण, एग्रो प्रशिक्षण जोन, उद्योगको लाइफ, लगानी, बैंक फाइनान्स, बिजुलीको डिमाण्ड शुल्क, निर्यातमा भएका समस्याहरू, स्टिल उद्योगको समस्याहरूको विषय, स्टार्टअप पोलिसी लागयतका विषयमा सुझाव दिएका छन् ।