थप एक साता लम्बियो काठमाडौं उपत्यकामा निषेधाज्ञा, खाद्यान्न पसल बिहान मात्र खोल्न पाइने

काठमाडौं उपत्यकामा जारी निषेधाज्ञा वैशाख २९ गतेसम्म थप भएको छ । ।

उपत्यकाका काठमाडौं, ललितपुर र भक्तपुर तीनै जिल्लाका सीडीओहरूको संयुक्त बैठकले थप एक साता निषेधाज्ञा लम्ब्याउने निर्णय गरेको हो ।


Advertisement

अबदेखि बिहान ९ बजेसम्म मात्र पसल खोल्न पाइने र बेलुका नपाइने भएको छ । बैंक तथा वित्तिय संस्थाको हकमा सीमित कर्मचारीलाई उपस्थित हुने गरि संचालन अनुमति दिने निर्णय पनि भएको छ ।

शाखामा २५ प्रतिशत कर्मचारी र काठमाडौंमा २० प्रतिशत जनशक्तिलाई उपस्थित भएर काम गर्न अनुमति दिने निर्णय प्रशासनले गरको छ । साथै बैंक तथा वित्तिय संस्थाले सीमित सवारी साधन चलाउन पाउनेछन् ।

प्रशासनले यसअघि जारी भएका सबै प्रकारका पास खारेज गर्ने निर्णय पनि गरेको छ ।

निषेधाज्ञा उल्लंघन गर्दै फुटपाथ, साइकल र ठेलागाडा संचालन गर्नेलाई पनि कार्वाही गर्ने निर्णय पनि प्रशासनहरूले गरेका छन् ।

अत्यावश्यक कामबिना घरबाट निस्कनेलाई होल्डिङ सेन्टरमा राखेर जरिवाना गरिने, मास्क नलगाउनेलाई १०० रुपैयाँ तिराइने निर्णय पनि भएको छ ।

काठमाडौं उपत्यकामा कोरोना भाइरसको संक्रमण बढ्दै गएपछि गत बैशाख १६ गते बिहान ६ बजेदेखि निषेधाज्ञा जारी गरिएको थियो ।  

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्