काठमाडौंस्थित बत्तीसपुतलीमा बसोबास गर्दै आएका रबिनले एक हप्ता भएको थियो नयाँ अफिसमा काम थालेको ।

नयाँ भेरियन्टको कोभिड–१९ महामारी रोकथाम एवं नियन्त्रण गर्न अहिले स्थानीय प्रशासनहरुले निषेधाज्ञा जारी गरेपछि अहिले आफ्नो कार्यालयको दैनिक काम घर बसेर गरिरहेका छन् । तर अहिले तलब बुझ्नको लागि उनीसँग बैंक खाता नै छैन ।

सकेसम्म घरबाट बाहिर ननिस्किइ उनको परिवारले अहिले दैनिकी बिताइरहेकोे अवस्थामा उनलाई आफ्नो तलब बुझ्नको लागि बैंक खाता खोल्नुपर्ने आवश्यकता परेको  छ ।  तर महामारीको अवस्थामा बैंकसम्म पुग्न पनि हम्मे हम्मे छ । एक त बैंक खुल्ने समयमा उनको काम नै हुन्छ अर्कोतिर एक उत्तरदायी नागरिकको हिसाबले महामारीका बेला उचित सावधानी अपनाउनै पर्‍यो ।

ग्राहकहरुको यस्तै अवस्थालाई ध्यानमा राख्दै एन आई सी एशिया बैंकले ल्याएको छ, सहज रुपमा अनलाईन बचत खाता खोल्न सकिने व्यवस्था ।

तपाईं अहिले आफ्नो कामलाई केही मिनेट थाति राखेर भौतिक रुपमा बैंक नै नपुगी अनलाईन खाताको लागि आवेदन दिन सक्नुहुनेछ । विभिन्न असहजताका बीच समेत ग्राहकहरुलाई बैंक शाखा नै नपुगी वित्तीय सेवामा पहुँच पुर्‍याउँन अहिले यस बैंकले असीमित फाइदाहरूले भरिपूर्ण अनलाईन खाता खोल्ने अभियान सञ्चालन गरेको छ ।

अनलाईन खाता खोल्दा लाग्ने अधिकतम १० मिनेटको समयले असहज परिस्थितिका बीच जनमानसहरुले बैंक शाखासम्म पुगेर लामो भौतिक फारम भर्नुपर्ने झन्झबाट मुक्ति प्राप्त गर्न सक्नुका साथै समयको बचत समेत हुनेछ । कोरोना भाइरसको अवस्थाले अहिले सर्वसाधरणहरु इन्टरनेटको माध्यमबाट किनमेल, काम, सञ्चार तथा मनोरञ्ज जस्ता क्रियाकलाप गर्न समेत अनलाईनतर्फ गइसकेको अवस्था रहेको छ ।

यसभित्र ग्राहकले चमत्कारिक सुविधाले भरिपूर्ण विभिन्न खाताहरुमध्ये खाताको बारेमा विवरण अध्ययन गरेर आफुलाई आवश्यक पर्ने खाता खोल्नका लागि आवेदन दिन सक्नुहुन्छ । खाता खोल्न ग्राहकले आफ्नो पासपोर्ट साइज फोटो तथा नागरिकता स्कयान गरी अग्रीम रुपमा राख्दा सजिलो हुनेछ ।

यसपश्चात मात्र ५ स्टेप पार गरेर खाताको लागि आवेदन दिन सकिनेछ । अनलाईन खाता खोल्ने प्रक्रिया अन्तर्गत ग्राहकले बैंकको वेबसाइट लिंक वा मोबाइल बैंकिङ्ग एपमार्फत अनलाईन एकाउन्ट ओपनिङमा ट्याप गर्नुपर्ने हुन्छ । यसभित्र ग्राहकले चमत्कारिक फाइदाले भरिएका पाँच प्रकारका खाता मध्ये एउटा छनौट गरेर आफुले इच्छाएको खाताका लागि आवेदन दिन सक्नुहुन्छ ।

हाल न्यू प्रिमियम सुपर चमत्कारिक बचत खाता ‘डायमण्ड’ श्रेणीका ग्राहकहरूलाई भविष्यमा आइपर्न सक्ने भवितब्यको लागि चाहिने आर्थिक स्रोतको जोहो गर्न बैंकले रू. २१ लाख बराबरको बीमा सुविधा प्रदान गर्दै आएको छ ।

यस बचत योजनामा १८ वटा विभिन्न घातक रोगको उपचारका लागि रू.१० लाख, दुर्घटनाबाट पूर्ण रुपमा घाइते वा मृत्यु भएका व्यक्ति वा परिवारलाई रू.१० लाख र मेडिकल जाँचमा हुने अस्पताल खर्च वापत रू.१ लाख (अस्पताल भर्नामा रू.८० हजार र बहिरंग उपचारमा रू.२० हजार) सँगै विभिन्न निःशुल्क सुविधाहरू रहेका छन् ।

साथै, अनलाईन खाता खोली पहिलोपटक मोबाइल बैंकिङ्ग एप (एन आई सी एशिया मो–बैंक) बाट पहिलो कारोबार गर्दा २५ प्रतिशत वा अधिकतम रू. ५०० नगद फिर्ता प्राप्त गर्न सकिनेछ । जुन फाइदा खाता खोलेको ३० दिनभित्र लिनुपर्ने व्यवस्था छ । यस एपमार्फत ग्राहकहरुले क्यूआर भुक्तानी एवं विद्युत महसुल, खानेपानी, टेलिफोन, इन्टरनेट, केबुल, मोबाइल रिचार्ज, हवाइ तथा बस टिकटको शुल्क भुक्तानी तथा रकम स्थानान्तरण जुनसुकै स्थानबाट जुनसुकै समयमा गर्न सकिने सुविधा रहेको छ ।  सुपर सिक्स (क्गउभच क्ष्ह) योजनाअन्तर्गत मोबाइल बैंकिङ्गबाट एक हप्तामा ६ वटा कारोबार गर्दा ६ प्रतिशत वा अधिकतम रू. ५०० सम्म नगदफिर्ता प्राप्त गर्न सकिनेछ ।

‘डिजिटल फष्ट बैंक’ बन्ने दीर्घकालीन रणनीति अनुरुप बैंकले आफ्ना विभिन्न सेवा, कारोबार तथा सुविधाहरू प्रविधिमैत्री बनाउने क्रममा बचत खाता खोल्ने कार्यलाई भौतिक माध्यममा मात्र सीमित नराखी अनलाइन माध्याममा लग्दै डिजिटल बैंकिङ्गलाई गतिशील बनाउने लक्ष्य लिएको छ । साथै देशमा स्मार्टफोन प्रयोगकर्ताहरूको संख्यामा उल्लेख्य बृद्धि भएसँगै डिजिटल कारोबार गर्नेहरूको संख्यामा समेत तीव्र रुपमा बृद्धि भइरहेको अवस्थाबीच नगद कारोबारको सट्टा डिजिटल कारोबारतर्फ ग्राहकहरूलाई आकर्षित गरी मुलुकको अर्थतन्त्रलाई डिजिटलमैत्री बनाउन अनलाइन खाता खोल्ने सुविधाले सहयोग पुर्‍याउने विश्वास लिएको बैंकले जनाएको छ ।