भारतको पश्चिम बंगाल विधानसभा निर्वाचनमा प्रचण्ड बहुमत ल्याएपछि ममता बनर्जीले बुधवार तेस्रोपटक मुख्यमन्त्री पदको शपथ लिएकी छन् ।

ममताको नेतृत्वमा तृणमूल कांग्रेसको सरकारले निरन्तर तेस्रोपटक कार्यकाल चलाउने भएको छ । 

कोरोनाको निर्देशिकाका कारण शपथग्रहण समारोह छोटो थियो । ममता एक्लैले शपथ लिएकी हुन् । 

मञ्चमा ममता र राज्यपाल जगदीप धनखड मात्र देखिए । उनीहरूले एकअर्कालाई हात जोडेर नमस्कार गरे । 

विधानसभामा कुल २९२ सीटमा चुनाव भएको थियो (दुईवटामा भएन) । तृणमूलले २१३ सीट ल्यायो भने भाजपा ७७ सीटमा समेटियो । तर अघिल्लो चुनावमा जम्मा तीन सीट जितेको भाजपाका लागि यो राम्रो आँकडा हो ।