इजरायली सेनाले सोमवार पनि गाजामा हवाई आक्रमण जारी राखेको छ । 

प्यालेस्टाइनी समूह हमासको घर र संरचनालाई तारो बनाइरहेको उसको भनाइ छ । 

यसैबीच इजरायलका प्रधानमन्त्री बेन्जामिन नेतान्याहुले आतंकवादका तारोहरूलाई आक्रमण गरिरहने प्रतिज्ञा गरेका छन् । 
 

हमासले चलाएको गाजा स्वास्थ्य मन्त्रालयका अनुसार, विगत एक सातामा २१२ जना मारिएका छन् र १४ सयजना घाइते भएका छन् । मारिएकामध्ये ६१ जना बालबालिका र ३६ जना महिला भएको उसको भनाइ छ । 
 

गाजाबाट हमासले गरेको रकेट आक्रमणमा परी दुई बालबालिका कम्तीमा १० जना मारिएको इजरायल डिफेन् िफोर्सेसले जनाएको छ ।

सोमवार गाजाबाट प्रहार भएको रकेटका कारण साइन बजेका थिए र इजरायलीहरू आश्डोड, आश्केलोन र बीर शेवाका बम शेल्टरहरूमा लुकेका थिए । एउटा आवासीय भवनमा आक्रमण गरिँदा तीनजना हल्का घाइते भएको इजरायलको रेडक्रसले जनाएको छ । 

यसैबीच इजरायलका जेट विमानहरूले गाजामा हमासले बनाएको नौ माइलसम्म फैलिएको सुरुङ क्षेत्रमा बम प्रहार गरेका थिए र १४ वटा आवासीय भवनलाई तारो बनाएका थिए । उक्त घरहरूमा प्यालेस्टाइनी लडाकू समूहका कमान्डर रहेको इजरायली सेनाको भनाइ छ । 

गाजा शहरमा इजरायलको हवाई आक्रमणमा परी एक क्लिनिक ध्वस्त भएको हमासका अधिकारीहरू बताउँछन् । क्लिनिकका झ्याहरू ध्वस्त भएका छन् । त्यो कोरोनाभाइरस जाँच केन्द्र भएको गाजा स्वास्थ्य मन्त्रालयले जनाएको छ ।