काठमाडौंबाट रुकुम पश्चिमका लागि छुटेको यात्रुबस पूर्वपश्चिम राजमार्ग अन्तर्गत पश्चिम नवलपरासीको दाउन्नेमा दुर्घटना हुँदा ४ जनाको मृत्यु भएको छ ।

ना५ख २७१३ नम्बरको यात्रुबस दाउन्नेमा सडकबाट डेढ सय मिटर तल खस्दा दुर्घटना भएको प्रहरी नायव उपरीक्षक (डीएसपी) राजु लामाले बताए ।

दुर्घटनामा चारै जनाको घटनास्थलमै मृत्यु भएको प्रहरीले जनाएको छ ।

मृतकमध्ये रुकुम पश्चिमको त्रिवेणी गाँउपालिकाकी २७ वर्षीया कल्पना पुनको सनाखत भएको छ । घाइतेको उद्धार गरेर बर्दघाटमा उपचार भइरहेको प्रहरीले जनाएको छ ।